U ZŠA pamior adzin z samych znakamitych baksioraŭ XX st. Muchamied Ali, paviedamlajuć amierykanskija ŚMI. Jamu było 74 hady.
Muchamied Ali pamior u balnicy Finiksa, kudy jaho pryvieźli niekalki dzion tamu. Tady paviedamlałasia, što ŭ baksiora prablemy ź lohkimi, ale ŭčora jaho stan rezka pahoršyŭsia, i rodnym skazali rychtavacca da pachavańnia.
Muchamied Ali niekalki hadoŭ zmahaŭsia z chvarobaj Parkinsona.
Muchamied Ali (Kasius Marsełus Klej) naradziŭsia ŭ 1942 h. u Łuiśvile. Mieŭ mianuški «Narodny čempijon», «Najvialikšy», alimpijski čempijon 1960 h., pravioŭ 61 boj, ź ich pieramoh u 56 (37 nakaŭtam), absalutny čempijon śvietu ŭ ciažkaj vazie (1964—1966, 1974—1978).
Nieadnarazovy ŭładalnik zvańniaŭ «Baksior hoda», byŭ pryznany «spartoŭcam stahodździa» pavodle viersii niekalkich spartyŭnych vydańniaŭ.
U 1964 h. pamianiaŭ imia na Muchamied Ali. Na piku karjery admoviŭsia prachodzić słužbu ŭ vojsku ZŠA, paśla čaho byŭ pazbaŭleny ŭsich tytułaŭ i adchileny ad udziełu ŭ spabornictvach bolš čym na try hady. Paśla viartańnia ŭ sport viarnuŭ sabie zvańnie čempijona śvietu ŭ baraćbie z najlepšymi baksiorami «załatoj ery boksa».
Pa zaviaršeńni spartyŭnaj karjery zajmaŭsia hramadskaj i dabračynnaj dziejnaściu, byŭ Pasłom dobraj voli JUNISIEF.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova5
Kamientary