У ЗША памёр адзін з самых знакамітых баксёраў ХХ ст. Мухамед Алі, паведамляюць амерыканскія СМІ. Яму было 74 гады.
Мухамед Алі памёр у бальніцы Фінікса, куды яго прывезлі некалькі дзён таму. Тады паведамлялася, што ў баксёра праблемы з лёгкімі, але ўчора яго стан рэзка пагоршыўся, і родным сказалі рыхтавацца да пахавання.
Мухамед Алі некалькі гадоў змагаўся з хваробай Паркінсона.
Мухамед Алі (Касіус Марсэлус Клей) нарадзіўся ў 1942 г. у Луісвіле. Меў мянушкі «Народны чэмпіён», «Найвялікшы», алімпійскі чэмпіён 1960 г., правёў 61 бой, з іх перамог у 56 (37 накаўтам), абсалютны чэмпіён свету ў цяжкай вазе (1964—1966, 1974—1978).
Неаднаразовы ўладальнік званняў «Баксёр года», быў прызнаны «спартоўцам стагоддзя» паводле версіі некалькіх спартыўных выданняў.
У 1964 г. памяняў імя на Мухамед Алі. На піку кар'еры адмовіўся праходзіць службу ў войску ЗША, пасля чаго быў пазбаўлены ўсіх тытулаў і адхілены ад удзелу ў спаборніцтвах больш чым на тры гады. Пасля вяртання ў спорт вярнуў сабе званне чэмпіёна свету ў барацьбе з найлепшымі баксёрамі «залатой эры бокса».
Па завяршэнні спартыўнай кар'еры займаўся грамадскай і дабрачыннай дзейнасцю, быў Паслом добрай волі ЮНІСЕФ.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары