Kala turmy prajšła akcyja salidarnaści z Džonam Silvieram FOTA, VIDEA
Sustaršynia partyi «Biełaruskaja chryścijanskaja demakratyja» Pavieł Sieviaryniec zaklikaŭ prychodzić na akcyju salidarnaści «Svabodu Eduardu Palčysu» pad SIZA na Vaładarskaha, 2, a 18-j hadzinie.
U pryznačany čas pad ścienami SIZA sabrałosia 5 čałaviek. Siarod ich — arhanizatar akcyi Pavieł Sieviaryniec, aktyvisty Volha Mikałajčyk i Maksim Viniarski. Astatnija — žurnalisty i pravaachoŭniki ŭ cyvilnym.
Aktyvisty razharnuli bieł-čyrvona-bieły ściah i płakaty «Svabodu Palčysu!», «Eduard Palčys u kipciurach KHB» i inšyja. Udzielniki skandujuć: «Silvieru — svabodu!»
Milicyjanty ŭ formie pišuć pratakoły. Taksama prysutničajuć 9 čałaviek u cyvilnym. Adzin ź ich zahadaŭ milicyjantam: «Ujditie za uhoł», i tyja, aformiŭšy pratakoły, syšli.
Žurnalisty pytajucca ŭ Paŭła, kolki jašče praciahniecca akcyja. «Treba jašče pakryčać, chutka viačera na Vaładarcy budzie», — adkazvaje toj.
Sieviaryniec: Ci čuje nas Palčys? U 1998 hodzie ja tut siadzieŭ i čuŭ, jak mianie padtrymlivali.#freejhonsilver pic.twitter.com/7pgv35ivz2
Sieviaryniec zaklikaje pisać Palčysu listy padtrymki na adras: Minsk, 220050, Vaładarskaha 2, Palčysu Eduardu Alaksandraviču.
Da akcyi dałučyłasia aktyvistka Natalla Haračka-Basałyha z bčb-ściaham.
Pikiet salidarnaści z Eduardam Palčysam skončyŭsia kala 18.45. Sieviaryniec zaprasiŭ udzielnikaŭ na arhkamitet «Svabodu Palčysu» na nastupnym tydni.
* * *
Eduarda Palčysa, viadomaha pad psieŭdanimam Džon Silvier, jašče 26 maja etapavali z Branskaha SIZA ŭ śledčy izalatar na Vaładarcy ŭ Minsku. Jamu pahražaje 5 hod źniavoleńnia za błoh 1863x.com.
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?31
Kamientary