Sekcyja «Memaryjał» Tavarystva achovy pomnikaŭ patrabuje vyzvaleńnia Chursika
My aburany zatrymańniem i 15-sutkavym aryštam viadomaha biełaruskaha žurnalista i publicysta Viktara Chursika. Heta rasprava za drukavańnie praŭdy pra padziei apošniaj vajny, u tym liku pra źvierstvy partyzanaŭ nad mirnymi biełaruskimi hramadzianami, jak u vioscy Dražna Stara-Darožskaha rajonu 14 krasavika 1943 h.
Nahadajem, što pamiać 25 žycharoŭ vioski była ŭšanavana 19 krasavika 2008 h. ustalavańniem i aśviačeńniem kryža Sv. Jefrasińni Połackaj.
Na žal, hety kryž byŭ demantavany ŭładami, a ŭdzielniki ŭšanavańnia pamiaci zakatavanych biełarusaŭ sutyknulisia z žorstkimi represijami z boku ŭładaŭ. Treba spynić hety pravavy biespradzieł.
Zaraz nie zmorčny čas stalinizmu, a XXI stahodździe.
Tamu my patrabujem:
§ Adnaŭleńnia i paŭtornaha aśviačeńnia kryža Sv. Jefrasińni Połackaj na mohiłkach u v. Dražna Stara-Darožkaha rajonu.
§ Nieadkładnaha vyzvaleńnia Viktara Chursika.
§ Spynieńnia pieraśledu inšych udzielnikaŭ ustalavańnia kryžu 19 krasavika 2008 h.
§ Pryciahnieńnia da adkaznaści kiraŭnictva Stara-Darožskaha rajvykankamu, milicyi, sudu za hrubiejšyja parušeńni biełaruskaha zakanadaŭstva i ździeku nad nacyjanalnymi tradycyjami i narodnaj pamiaciu biełarusaŭ.
My źviartajemsia da Fiłareta, Mitrapalita Minskaha i Słuckaha, Patryjaršaha Ekzarcha usieja Biełarusi z prośbaj ab patrymcy hetych patrabavańniaŭ.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary