Sankcyi ES suprać Rasii ŭdałosia praciahnuć usiaho na tydzień. Adzinstva raźbiłasia ab dvuch rasijskich aliharchaŭ
Krainy Jeŭrasajuza 14 vieraśnia damovilisia tolki na tydzień padoŭžyć dziejańnie tak zvanaha čornaha sankcyjnaha śpisa, u jaki praz rasijskuju ahresiju suprać Ukrainy ŭklučanyja amal 3 tysiačy čałaviek i arhanizacyj. Ciapier abmiežavańni buduć dziejničać da 22 vieraśnia. Takim čynam, ambasadaram krain ES dali jašče tydzień dla pieramoŭ i ŭzhadnieńnia pazicyj, paviedamlaje Reuters.
Pryčynaj zatrymki stali patrabavańni Słavakii i Francyi źmianić sankcyjny śpis. Słavakija vystupaje za źniaćcie abmiežavańniaŭ z dvuch rasijskich aliharchaŭ — Ališera Usmanava i Michaiła Frydmana. Francyja, u svaju čarhu, damahajecca vyklučeńnia z sankcyjnaha śpisu Usmanava.
Paryž tłumačyć svaju pazicyju pytańniami nacyjanalnaj biaśpieki i prośbami partnioraŭ ź inšych krain. Pry hetym padrabiaznaści hetych patrabavańniaŭ nie raskryvajucca.
Sankcyi ES suprać asobaŭ i arhanizacyj prymajucca tolki pry zhodzie ŭsich krain-členaŭ. Indyvidualnyja abmiežavańni praduhledžvajuć, u pryvatnaści, zabaronu na ŭjezd u ES i zamarožvańnie aktyvaŭ. Termin dziejańnia ciapierašniaha pakieta sankcyj zakančvaŭsia ŭ aŭtorak, tamu biez damoŭlenaści pamiž krainami isnavała ryzyka jaho niepraciahu.
Ališer Usmanaŭ — uźbiekska-rasijski biznesmien, adzin z najbahaciejšych ludziej śvietu. U studzieni jon vyjhraŭ sudovy praces suprać niamieckaj haziety Frankfurter Allgemeine Zeitung. Usmanaŭ padaŭ u sud praz publikacyju pra jaho mahčymyja suviazi z Kramlom.
Michaił Frydman — rasijski pradprymalnik, jakoha nazyvajuć adnym z najbolš upłyvovych rasijskich finansistaŭ. Jon zasnavalnik i adzin z asnoŭnych akcyjanieraŭ Alfa Group, jakoj naležyć najbujniejšy rasijski pryvatny bank Alfa-Bank.
Abodva biznesmieny byli ŭklučanyja ŭ sankcyjny śpis ES 28 lutaha 2022 hoda. U vypadku Frydmana ES abhruntoŭvaje sankcyi, siarod inšaha, jaho dziejańniami, jakija, pavodle pazicyi Jeŭrasajuza, spryjali padryvu terytaryjalnaj cełasnaści, suvierenitetu i niezaležnaści Ukrainy, padtrymkaj rasijskich kiraŭnikoŭ, adkaznych za anieksiju Kryma i destabilizacyju ŭschodu Ukrainy, a taksama atrymańniem vyhody ad suviaziaŭ z hetymi asobami.
Siabar načalnika achovy Pucina byŭ udzielnikam i sponsaram viasiella syna Trampa
U Dźmitryja Baskava skončyŭsia termin dyskvalifikacyi, jon źbirajecca znoŭ viartacca ŭ chakiej
Ultrapravyja ŭpieršyniu paśla padzieńnia Treciaha rejchu atrymali vialikuju pieramohu ŭ Hiermanii. Što heta značyć dla Jeŭropy
Ciapier čytajuć
Koŭł: Łukašenka adpuścić 25 čałaviek u abmien na sankcyi na «Łakafarbu» i «Biellespapierpram»3
Koŭł: Łukašenka adpuścić 25 čałaviek u abmien na sankcyi na «Łakafarbu» i «Biellespapierpram»
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary
A voś kartka šerahovaha biełarusa.... ...heta pahroza EZ))))) licymiery farysiei