«Čałaviek vialikaj viery i mužnaści» — u Bieraści ŭspaminali Alesia Čarkašyna
Viečaryna pamiaci zahinułaha na Danbasie Alesia Čarkašyna adbyłasia ŭ Bieraści. Na jaje pryjšli rodnyja i siabry dobraachvotnika.
Viadoŭca viečaryny, sustaršynia BCHD Pavał Sieviaryniec raspavioŭ, što srodki na pomnik Alesiu Čarkašynu chutka buduć sabranyja:
«Ja z upeŭnienaściu kažu, što hety śvietły chłopiec pajšoŭ da Boha. Dałučyŭsia da «Niabiesnaj sotni», da tych ludziej, jakija addavali svaje žyćci za inšych. Heta byŭ čałaviek vialikaj viery i mužnaści. Vielmi mnohija ludzi z roznych kutkoŭ Biełarusi, Ukrainy, i navat z-za akijanu ŭspaminajuć pra Alesia Čarkašyna. U Kijevie na vulicy Biełaruskaj zaraz jość pomnik zmaharam za svabodu Michasiu Žyźnieŭskamu i Alesiu Čarkašynu. Viadomy biełaruski skulptar Henik Łojka uziaŭsia za vyrab pomnika Alesiu Čarkašynu. I na hety pomnik źbirajucca ludzi ŭ mnohich krainach.»
Pavał Sieviaryniec raspavioŭ, što na pomnik sabrana ŭžo try ź nieabchodnych čatyroch tysiač dalaraŭ. Naviedniki viečaryny taksama paŭdzielničali ŭ składkach na pomnik svajmu ziemlaku.
Prysutnym na viečarynie pakazali prajekt pomniku, jaki maje być ustalavany na hadavinu pachavańnia Alesia Čarkašyna, a taksama pasłuchali jaho pieśni, zapisanyja sustaršyniom BCHD z Kobrynu Hieorhijem Dźmitrukom.
Žurnalisty pahutaryli z baćkam Alesia Mikałajem, jaki vykazaŭ udziačnaść za padtrymku siamji:
«Padtrymka była z usich bakoŭ. I maralnaja i materyjalnaja, ludzi adhuknulisia».
Pavodle spadara Mikałaja, aproč telefanavańniaŭ z KDB nieŭzabavie paśla pachavańnia Alesia, bolej ułady siamju nie čapali. A dva tydni tamu jamu patelefanavali pradstaŭniki adnaho ź dziaržaŭnych telekanałaŭ, jakija chacieli pryjechać pa interviju:
«Chacieli sustrecca, maŭlaŭ, razmova budzie ni pra palityku, ni pra što takoje. Ale ja adrazu skazaŭ — nie. Nie chaču ź imi nijakich kantaktaŭ, bo viedaju, u jakim śviatle potym heta pakažuć».
33-hadovy biełarus, były staršynia bieraściejskaj haradzkoj arhanizacyi BCHD Aleś Čarkašyn vajavaŭ u składzie Dobraachvotnaha ŭkrainskaha korpusu Pravaha sektaru. 10 žniŭnia 2015 hodu jon byŭ ciažka paranieny ŭ bai pad Biełakamienkaj u Danbasie i pamier u špitali ŭ Zaparožžy paśla niekalkich tydniaŭ komy.
Jon byŭ paśmiarotna ŭznaharodžany ordenam «Narodny hieroj Ukrainy». Jamu, jahonamu ŭkrainskamu pabracimu Vitalu Cielaženku, a taksama biełarusu Michasiu Žyźnieŭskamu ŭ Kijevie ŭstalavany memaryjalny znak. Taksama biełarusam, zahinułym u kanflikcie na Danbasie, pryśviečany memaryjalny sajt, u Viciebsku ŭ pamiać ab ich siabry BCHD vysadzili drevy.
Čarkašyn pachavany ŭ Bieraści, na raźvitańnie źbiralisia sotni čałaviek. KDB cikaviłasia ŭ maci Čarkašyna, chto dazvoliŭ jaho pachavać takim čynam.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary65
Kamientary