Papularny ŭ 1970-ch hadach śpiavak, zasłužany artyst BSSR Valeryj Kučynski skanaŭ 14 červienia ŭ Minsku na 69-m hodzie žyćcia.
Valeryj Kučynski naradziŭsia 23 lutaha 1947 hoda ŭ horadzie Nikałajeŭ (Ukraina) u siamji vajskoŭca. Słužbu ŭ vojsku Kučynski prachodziŭ u ansambli pieśni i tanca Biełaruskaj vajennaj akruhi. U hety ž kalektyŭ jon pryjšoŭ pracavać, źjaŭlajučysia studentam Biełaruskaj dziaržaŭnaj kansiervatoryi, jakuju skončyŭ u 1970 hodzie.
Z 1971 pa 1979 hady Valeryj Kučynski (baryton) byŭ salistam biełaruskaj opiery. Łaŭreat prestyžnych konkursaŭ vakalistaŭ imia Hlinki i Čajkoŭskaha.
Kučynski adnolkava paśpiachova i talenavita pracavaŭ na opiernaj scenie i ŭ estradnym žanry. Śpiavak nie raz byŭ hanaravany zvańniem łaŭreata ŭsiesajuznaha telekonkursu «Pieśnia hoda».
U 1972 hodzie byŭ adznačany premijaj Leninskaha kamsamoła Biełarusi, a praz dva hady atrymaŭ hanarovaje zvańnie zasłužanaha artysta BSSR.
Šmat hadoŭ Kučynski pracavaŭ salistam Dziaržteleradyjo BSSR.
Raźvitańnie z Valeryjem Kučynskim adbudziecca 16 červienia ŭ rytualnaj zale № 1 śpieckambinata KBO (vuł. Alšeŭskaha, 12) z 14.00 da 15.00. U arhanizacyi pachavańnia ŭdavie Kučynskaha dapamahajuć kampazitar Eduard Zarycki, śpiavak Uładzimir Pravalinski.
Kamientary