Navučańnie budzie składać 11 hadoŭ, zachoŭvajecca dziesiacibalnaja systema, u subotu zaniatkaŭ nia budzie.
Na hetym tydni dakument budzie nakiravany na razhlad kiraŭniku dziaržavy. Pra heta zajaviŭ pieršy namieśnik kiraŭnika administracyi prezydenta Anatol Rubinaŭ.
Kamisija ličyć metazhodnym ustanavić 11‑hadovy termin atrymańnia ahulnaj siaredniaj adukacyi, jakaja najbolš adpaviadaje patrebam biełaruskaj ekanomiki, zabiaśpiečvaje racyjanalnaje vykarystańnie biudžetnych srodkaŭ i adkazvaje pažadańniam bolšaści hramadzianaŭ. Navučańnie budzie pravodzicca pavodle adzinaj ahulnaj dla ŭsich universalnaj prahramie.
Struktura siaredniaj adukacyi praduhledžvaje try stupieni.
Pieršaja — 1‑4 klasy, druhaja — 5‑9 klasy (bazavaja škoła), treciaja — 10‑11 klasy (zakončanaja siaredniaja adukacyja). Anatol Rubinaŭ dadaŭ, što ŭ pieršuju klasu dzieci pojduć u šeść hadoŭ. Bazavaja adukacyja, jakaja składzie dzieviać hadoŭ, budzie abaviazkovaj dla ŭsich vučniaŭ.
Planujecca ŭvieści piacidzionny navučalny tydzień va ŭsich ustanovach siaredniaj adukacyi biez vyniatku na try stupieni navučańnia. Školny tydzień budzie šaścidzionny, u šosty dzień buduć pracavać hurtki, spartovyja siekcyi, pravodzicca hramadzkija mierapryjemstvy. Zaniatkaŭ u hety dzień nia budzie.
Navučalny hod budzie składać 35 navučalnych tydniaŭ i pradoŭžycca da 1 červienia.
Jak adznačyŭ Anatol Rubinaŭ, pahłybleny i pavyšany ŭzroŭni vyvučeńnia pradmietaŭ pieranosiacca na fakultatyvy. Miarkujecca zachavać himnazičnyja i licejskija klasy, a taksama klasy z estetyčnym uchiłam (muzyčnym, mastackija, chareahrafičnym) i spartovym.
Zastajecca taksama dziesiacibalnaja systema. Zachoŭvajecca centralizavanaje testavańnie.
Kamisija taksama rekamenduje pavialičyć nastaŭnikam nadbaŭki za katehoryi, ustanavić asobnuju katehoryju dla maładych specyjalistaŭ. Miarkujecca źnizić nastaŭnikam tydniovuju nahruzku z 18 da 16 hadzin.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»2828
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary