U Narviehii syna kronpryncesy zatrymali pierad sudom pa spravie ab seksualnym hvałcie. A sama pryncesa siabravała z Epštejnam
U Narviehii palicyja zatrymała Maryjusa Borha Chiojbi — syna kronpryncesy Miete-Maryt i pasynka kronprynca Chokana — za dva dni da pačatku suda pa spravie ab seksualnym hvałcie. Jaho padazrajuć u napadzie na žančynu, pahrozach nažom i parušeńni sudovaj zabarony na kantakty z paciarpiełymi, piša Euronews.
29‑hadovy Chiojbi musić paŭstać pierad akruhovym sudom Osła pavodle abvinavačańniaŭ u 38 złačynstvach, u tym liku ŭ čatyroch epizodach mierkavanaha zhvałtavańnia i hvałcie ŭ dačynieńni da byłych partniorak. Prakurory nastojvajuć na jaho ŭziaćci pad vartu na čatyry tydni, bajučysia paŭtornych złačynstvaŭ. Sam Chiojbi pryznaŭ častku mienš surjoznych abvinavačańniaŭ, ale admaŭlaje najbolš ciažkija.
Da spravy Chiojbi dałučylisia niekalki jaho byłych partniorak u jakaści pazoŭnic, a sud zabaraniŭ jamu ź imi kantaktavać. U vypadku pryznańnia viny mužčynu pahražaje da 16 hadoŭ pazbaŭleńnia voli. Sudovy praces, jaki praciahniecca da siaredziny sakavika, vyklikaŭ u Narviehii šyroki hramadski rezanans.
Situacyja vakoł karaleŭskaj siamji ŭskładniłasia i praź inšy skandał. Apublikavanyja ŭ ZŠA dakumienty śviedčać, što kronpryncesa Miete-Maryt u 2011—2014 hadach padtrymlivała ciesnyja kantakty z Džefry Epštejnam, asudžanym za seksualnyja złačynstvy. Pavodle narviežskich ŚMI, jaje imia šmat razoŭ zhadvajecca ŭ hetych materyjałach.
Miete-Maryt publična paprasiła prabačeńnia, nazvaŭšy hetyja suviazi hańbaj, i paćvierdziła, što ŭ 2013 hodzie niekalki dzion znachodziłasia ŭ rezidencyi Epštejna ŭ ZŠA.
Seks-impieryja Epštejna mahła być prajektam KDB dla zboru kampramatu na suśvietnych lidaraŭ
Na fota z fajłaŭ Epštejna brytanskaha prynca Endru źniali na kaleniach pierad lažačaj žančynaj
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu
Apublikavany try miljony fajłaŭ Epštejna: što novaha i ci buduć jašče?
Kamientary