Kali žančyny, jakija pieranieśli niaŭdałuju ciažarnaść, prymajuć pierad pałavym aktam aśpiryn, jany na 30 adsotkaŭ pavyšajuć svaje šancy začać chłopčyka. Da takoj vysnovy pryjšli amierykanskija navukoŭcy, aŭtary artykuła ŭ časopisie Journal of Clinical Investigation. Koratka pra daśledavańnie paviedamlaje The Daily Mail.
Daśledčyki pracavali z žančynami, ciažarnaść jakich skončyłasia vykidyšam. Viadoma, što ryzyka vykidyšu vyrastaje z-za zapalenčych pracesaŭ u matcy. Ličycca, što imunnaja sistema pamyłkova ŭsprymaje płod jak inšarodnaje cieła i pačynaje atakavać jaho.
Aśpiryn — heta nieścieroidny supraćzapalenčy preparat, jaki zdymaje bol i zapaleńnie. Niekalki nievialikich daśledavańniaŭ pakazali, što jon pavialičvaje pracent udałych ciažarnaściaŭ siarod žančyn, jakija pieranieśli praceduru EKA.
Miedyki z Nacyjanalnaha instytuta zdaroŭja dziaciej i raźvićcia čałavieka (ZŠA) davali 1228 žančynam, jakija sprabavali zaciažaryć, albo tabletku aśpirynu, albo płaceba — kab jany pryniali leki niepasredna pierad pałavym aktam.
U vyniku 31 pracent par začali chłopčyka (u tych, što prymali płaceba — 23 pracenty). Siarod par, jakija začali dziaŭčynak, adroźnieńni pamiž «aśpirynavaj» hrupaj i hrupaj płaceba apynulisia minimalnymi (24 i 25 pracentaŭ adpaviedna). Akramia taho, u žančyn, jakija prymali leki, zapaleńnie tkanak matki było mienš surjoznym.
Takim čynam, užyvańnie aśpirynu źnižaje šancy, što arhanizm nie prymie embryjon mužčynskaha połu. Adnak navukoŭcy papiaredžvajuć: dapamoža taki srodak tolki tym žančynam, jakija pakutujuć ad zapalenčych pracesaŭ u matcy, źviazanych z vykidyšami.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj31
Kamientary