Valancinu Bykavu pachavali pobač z mužam. U žałobnaj cyrymonii dapamahli ŭłady
Raźvitańnie ź siastroj Vasila Bykava, jakaja pamierła 4 lipienia ŭ abłasnoj balnicy, adbyłosia ŭ jaje rodnaj chacie ŭ vioscy Vaŭčo va Ušackim rajonie. Tut jana praviała svaju apošniuju noč.
Pavodle tastamentu (duchoŭnaha zaviaščańnia), žančynu pachavali kala muža, jaki pamior šmat hadoŭ tamu.
Učora niabožčycu dastavili z abłasnoj balnicy, dzie Valancina Bykava znachodziłasia na lačeńni ad 30 maja. Za čatyry dni da hetaha, 27 maja, na pažyłuju žančynu, jakaja žyła adna, unačy napaŭ nieviadomy złamyśnik, jaki nanios joj ciažkija cialesnyja paškodžańni. Pa hetym fakcie zaviali kryminalnuju spravu.
Pachavańniem zajmalisia miascovyja ŭłady — rajvykankam i rajsaviet. Jany arhanizavali dastaŭku cieła, pachavańnie, žałobny stoł. Sacyjalnyja słužby pryviali ŭ paradak padvorak i mohiłki.
Raźvitacca ź ciotkaj pryjechali syny Vasila Bykava — Vasil i Siarhiej, syn jaje małodšaha brata, jaki źjaŭlajecca zahadčykam muzieja-siadziby Vasila Bykava ŭ vioscy Byčki. Taksama byli žurnalist i hramadski dziejač Hleb Łabadzienka i ŭdava Ryhora Baradulina — Valancina Baradulina.
Siastra Vasila Bykava naradziłasia 7 lipienia 1926 hoda, da svajho 90-hodździa jana nie dažyła čatyry dni.
Kamientary