Minharvykankam, jaki abviaščaŭ tendar na zakupku płanšetaŭ dla ŭdzielnikaŭ Usiebiełaruskaha schodu, pakinuŭ biez razhladu kalektyŭny zvarot hramadzian z nahody zakupki płanšetaŭ, bo jon «nie adnosicca da kampetencyi Minharvykankama».
Pra heta havorycca ŭ adkazie, jaki atrymała lidar Chryścijanska-demakratyčnaha ruchu, kaardynatar BCHD pa Minsku Volha Kavalkova.
A ŭ adkazie z Kamiteta dziaržkantrolu (KDK) paviedamlajecca, što vydatki na arhanizacyju i praviadzieńnie schodu, u tym liku na pražyvańnie delehataŭ i nabyćcio dla ich suvienirnaj pradukcyi rabiłasia «ŭ adpaviednaści z zaćvierdžanym kaštarysam», a «faktaŭ vykarystańnia biudžetnych srodkaŭ z parušeńniem biudžetnaha zakanadaŭstva nie prahladajecca».
U adkazie z KDK taksama paviedamlajecca, što «pakupka płanšetaŭ i ŭručeńnie ich delehatam Usiebiełaruskaha narodnaha schodu źjaŭlałasia adnym sa sposabaŭ bolš mabilnaha i efektyŭnaha ŭdziełu ŭ schodzie i vykarystoŭvałasia ŭ jakaści infarmacyjnaha resursu».
Pavodle punktu 1.8 artykuła 22 Zakonu Respubliki Biełaruś «Ab dziaržaŭnaj słužbie ŭ Respublicy Biełaruś» dziaržaŭny słužačy «nie maje prava prymać majomaść (padarunki) abo atrymlivać inšuju vyhadu ŭ vyhladzie pasłuhi ŭ suviazi z vykanańniem słužbovych abaviazkaŭ, za vyklučeńniem suvieniraŭ, jakija ŭručajucca pry praviadzieńni pratakolnych i inšych aficyjnych mierapryjemstvaŭ.
Atrymanyja imi pry praviadzieńni aficyjnych mierapryjemstvaŭ suvieniry, košt jakich pieravyšaje piać bazavych vieličyń, pieradajucca ŭ dachod dziaržavy na rašeńnie kamisii, što stvarajecca kiraŭnikom dziaržaŭnaha orhanu, u jakim dziaržaŭny słužačy zajmaje dziaržaŭnuju pasadu».
Kožnamu delehatu — dziaržaŭnamu słužačamu byŭ padaravany suvienir u vyhladzie płanšeta Samsung Galaxy Tab 7.0, prykładny košt jakoha na datu praviadzieńnia mierapryjemstva składaŭ 4,1 miljona niedenaminavanych rubloŭ, što składaje 19,5 bazavych vieličyń, pieradaje Radyjo Svaboda.
U prodažy źjavilisia płanšety, jakija padaravali ŭdzielnikam Usiebiełaruskaha schodu
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha131
Kamientary