VADA rasčaravana rašeńniem MAK nie adchilać zbornuju Rasii ad udziełu ŭ Rya-2016
Suśvietnaje antydopinhavaje ahienctva (VADA) rasčaravana rašeńniem MAK nie adchilać zbornuju Rasii ad udziełu ŭ Alimpijskich hulniach-2016 u Rya-de-Žaniejra.
— VADA rasčaravana rašeńniem MAK, — pryvodzić pres-słužba VADA słovy kiraŭnika ahienctva Krejha Rydzi. — Kamitet nie pasłuchaŭ rekamiendacyj ahienctva, zasnavanych na dakładzie Ryčarda Makłarena, jakija pavinny byli zabiaśpiečyć mocny, uzhodnieny i pramy padychod da rašeńnia. Dakład Makłarena vykryŭ dziaržaŭnuju sistemu pa padtrymcy dopinhu ŭ Rasii, a heta padryvaje pryncypy čyścini sportu, prapisanyja ŭ Suśvietnym antydopinhavym kodeksie.
Paviedamlajecca, što VADA padtrymaje rašeńnie MAK i dapamoža spartovym fiederacyjam pryniać pravilnaje i ŭzvažanaje rašeńnie pra los spartsmienaŭ, kab najlepšym čynam abaranić pravy «čystych» atletaŭ.
18 lipienia kamisija pad kiraŭnictvam Ryčarda Makłarena apublikavała vyniki rasśledavańnia parušeńnia antydopinhavych praviłaŭ u Sočy. Pa vynikach dakładu, VADA rekamiendavała Mižnarodnamu alimpijskamu kamitetu adchilić zbornuju Rasii ad Alimpijady-2016.
Kamientary