Hramadski dziejač zaklikaŭ biełarusaŭ damahacca praviadzieńnia sapraŭdnych vybaraŭ.
«Ci buduć u nas vybary zamiest čarhovych «vyrabaŭ» dla mianie kančatkova stanovicca zrazumiełym paśla farmavańnia ŭčastkovych vybarčych kamisij, jakija pavinny ličyć biuleteni. Siońnia, kali kamisii sfarmavanyja, možna ŭžo ŭpeŭniena skazać, što vybaraŭ nie budzie, - napisaŭ Mikałaj Statkievič u sacyjalnych sietkach. - Znoŭ rabić vyhlad, što jany ličać hałasy, na kožnym učastku buduć śpiecyjalna adabranyja supracoŭniki tolki adnoj ustanovy - škoły, lakarni, pradpryjemstva.
Znoŭ kiraŭnik hetaj ustanovy budzie «hałavoj adkazvać», kab jany padpisali za tydzień da «vybaraŭ» pusty, bieź ličbaŭ, pratakoł ich vynikaŭ - u jakaści harantyi łajalnaści. A ŭ dzień «vybaraŭ» - užo pratakoł ź ličbami, daviedzienymi da staršyni ŭčastkovaj kamisii śpiecyjalnaj hrupaj rajonnaj administracyi, jakaja realna kiruje pracesam.
Statkievič prapanuje sabracca 12 vieraśnia a 18-j na Kastryčnickaj płoščy stalicy.
Nahadajem, što parłamienckija vybary pryznačanyja na 11 vieraśnia.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary