Ministr zamiežnych spraŭ Turcyi Mieŭlut Čavušohłu pryhraziŭ razryvam mihracyjnaj ździełki ź Jeŭrasajuzam.
Jak zajaviŭ kiraŭnik MZS u intervju haziecie Frankfurter Allgemeine Zeitung ŭ niadzielu, 31 lipienia, Ankara admovicca vykonvać pahadnieńnie pa biežancach u tym vypadku, kali Brusel da kastryčnika nie ŭviadzie biaźvizavy režym dla tureckich hramadzian.
Čavušohłu zaznačyŭ, što heta nie pahroza, adnak kali nie budzie palahčeńnia vizavaha režymu, Turcyja «budzie vymušana dystancyjavacca» ad pahadnieńnia pa biežancach. Pavodle jaho słoŭ, turecki ŭrad čakaje ad ES kankretnaj daty, kali mohuć być admienienyja vizy. «Heta moža być pačatak ci siaredzina kastryčnika», — dadaŭ ministr.
U adpaviednaści z padpisanym 18 sakavika 2016 hoda pahadnieńniem, usie biežancy, jakija nielehalna prybyli marskim šlacham da bierahoŭ Hrecyi, pavinny być adpraŭleny nazad u Turcyju. Pry hetym za kožnaha mihranta, jaki viarnuŭsia z Hrecyi ŭ Turcyju, krainy ES prymuć adnaho siryjskaha biežanca z tureckaj terytoryi. Akramia taho, Brusel pahadziŭsia dać Ankary 6 młrd jeŭra — hetaja suma pavinna pajści na patreby biežancaŭ.
U mai 2016 hoda prezident Turcyi Redžep Taip Erdahan užo pahražaŭ Jeŭrasajuzu razryvam mihracyjnaj ździełki. Dla palahčeńnia vizavaha režymu tureckija ŭłady pavinny vykanać 72 umovy, pastaŭlenyja pierad imi Jeŭrakamisijaj. Jeŭrapiejskija palityki, u tym liku kancler FRH Anhieła Mierkiel, nieadnarazova zajaŭlali, što patrabavańni da hetaha času nie vykanany i, takim čynam, admiena vizaŭ pakul niemahčymaja. U pryvatnaści, ES damahajecca źmieny zakona ab baraćbie z teraryzmam, bo ŭ ciapierašniaj viersii jon moža być nakiravany suprać apazicyjanieraŭ i žurnalistaŭ, jakija krytykujuć urad.
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary