Eks-supracoŭnica słužby dziełavoha pratakoła Kiraŭnictva spraŭ prezidenta RB vinavacić seks-treniera ŭ damahańniach
Byłaja supracoŭnica słužby dziełavoha pratakołu Kiraŭnictva spravaŭ prezidenta abvinavaciła seks-treniera Aleksa Leśli ŭ damahańniach i maralnaj traŭmie paśla prachodžańnia treninhaŭ.
Jak paviedamlaje Life.ru, 27-hadovaja madel Vasilina Vialička doŭhi čas ličyłasia siarod supracoŭnic słužby dziełavoha pratakołu Pałaca Respubliki.
Jana stała ŭdzielnicaj treninhu asobasnaha i seksualnaha rostu, jaki pravodziŭ Aleks Leśli (darečy, taksama ŭradženiec Biełarusi). A paśla nibyta napisała zajavu ŭ milicyju na Leśli, abvinavaciŭšy jaho ŭ rehularnych damahańniach, a taksama ŭ žorstkim abychodžańni i prynižeńni.
Dziaŭčyna zapeŭnivaje, što źbiehła z treninhaŭ, a kali paźniej vypadkova sustrełasia ź Leśli ŭ kaviarni, jon seksualna damahaŭsia jaje, raspuskaŭ ruki i navat prapanoŭvaŭ seks jaje maci pa telefonie. Usio heta, pa słovach dziaŭčyny, Aleks zdymaŭ na videa i tranślavaŭ u svaim mikrabłohu, što žudasna abraziła jaje i sapsavała reputacyju.
Sam Aleks śćviardžaje, što ŭsio heta było tolki «hulnioj na raźniavoleńnie», što tak časta adbyvajecca ŭ ramkach treninhaŭ. A dziaŭčyna, pa słovach nastaŭnika, źviarnułasia ŭ milicyju sa złości paśla taho, jak jon nie adkazaŭ joj uzajemnaściu.
«Jana na treninhi pryjšła śpiecyjalna, kab paznajomicca sa mnoj, i spadziavałasia pabudavać ramantyčnyja adnosiny. Była zakachanaja ŭ mianie, — tłumačyć seks-trenier. – Ja admoviŭ, i jana paabiacała adpomścić. Tady i napisała ŭ Biełarusi zajavu ŭ palicyju, a pakolki pracavała va ŭładzie, źviarnułasia pa dapamohu da čynoŭnikaŭ, kab damahlisia zaviadzieńnia na mianie kryminalnaj spravy. Apošnija paŭhoda na mianie i maich vučniaŭ u Biełarusi — sapraŭdnyja hanieńni. Vyklikajuć na dopyty, prymušajuć vysunuć suprać mianie abvinavačvańni, aby-jakija, aby zajavu napisali. Usio schilajuć da taho, što ŭ mianie pryton, i ja płaču hrošy za seks z vučanicami. Uvohule, spravu šyjuć», - raspavioŭ Aleks Leśli.
U Ministerstvie ŭnutranych spraŭ nie zmahli prakamientavać situacyju, patłumačyŭšy, što ŭ intervju Leśli idzie razmova pra palicyju, a ŭ Biełarusi – milicyja.
Kamientary