Biełarusy zamiežža viernucca na radzimu tolki za ekanamičnyja prefierencyi. Akramia taho, pavodle čynoŭnika, budučy zakon «Ab suajčyńnikach» pavinien być napisany takim čynam, kab u Biełaruś nie pajechali «pradstaŭniki kryminału» i «hultai».
Biełarusy zamiežža viernucca na radzimu tolki za ekanamičnyja prefierencyi. Pra heta padčas pres‑kanferencyi 29 traŭnia ŭ Miensku paviedamiŭ namieśnik upaŭnavažanaha pa spravach relihij i nacyjanalnaściaŭ Uładzimier Łamieka. Pavodle čynoŭnika, u chodzie padrychtoŭki prajektu zakonu «Ab suajčyńnikach» raspracoŭščyki źviartalisia da roznych abjadnańniaŭ biełarusaŭ, što žyvuć u zamiežžy. I vyśvietliłasia, što bolšaść ź ich hatovyja viarnucca na radzimu tolki ŭ tym vypadku, kali atrymajuć ad dziaržavy roznyja lhoty ekanamičnaha i sacyjalnaha charaktaru.
— Jany, na žal, čakajuć tolki ekanamičnaj padtrymki. Heta likvidacyja ci pasłableńnie vizavaha režymu. Heta žyllovyja lhoty, kvoty na pracaŭładkavańnie, kvoty na adukacyju. Usio heta źviazana ź finansavymi ŭkładańniami, i treba ŭsio padličyć, kab nie padarvać našu ekanomiku, jakuju my pakul tolki raźvivajem, — skazaŭ Uładzimir Łamieka.
Akramia taho, jak padkreśliŭ namieśnik upaŭnavažanaha pa spravach relihij i nacyjanalnaściaŭ, budučy zakon pavinien być napisany takim čynam, kab u Biełaruś nie pajechali «pradstaŭniki kryminału» i «hultai».
Jaje paviedamiŭ Łamieka, usiaho zaraz pa‑za miežami našaj krainy pražyvaje kala 3,5 miljonaŭ uradžencaŭ Biełarusi roznych nacyjanalnaściaŭ. I zakon «Ab suajčyńnikach» pavinien być skiravany na ŭsie hetyja nacyjanalnaści, a nia tolki na karennuju biełaruskuju nacyju.
Bolš za ŭsio vychadcaŭ ź Biełarusi pražyvaje ŭ ZŠA i Kanadzie — prykładna 1 miljon. Kala 870 tysiač žyvuć u Rasiei, 300 — va Ŭkrainie i 170 — u Izraili.
Planujecca, što zakon «Ab suajčyńnikach» budzie ŭniesieny ŭ pałatu pradstaŭnikoŭ u lipieni.
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary