Pavodle acenak Suśvietnaj arhanizacyi achovy zdaroŭja, nie mienš za 240 młn čałaviek pa ŭsim śviecie inficyravany tolki hiepatytam V (amal 3% nasielnictva płaniety). U cełym hetaje zachvorvańnie piečani, jakoje źjaŭlajecca pryčynaj cyrozu i raku, padpisvaje prysud kala 1,5 młn ziamlan štohod.
Biełaruś ekśpierty adnosiać da krain ź nizkim uzroŭniem raspaŭsiudžvańnia zachvorvańnia. Naša miedycyna płanamierna supraćpastaŭlaje virusam sučasnyja mietady dyjahnostyki i lačeńnia. Suprać adnaho typu atrymałasia stvaryć mocny barjer — maštabnuju vakcynacyju. Na čarzie — vypusk pieršych ułasnych preparataŭ suprać hiepatytu.
U apošnija dziesiać hod virusny hiepatyt A ŭ Biełarusi chvaroba redkaja. U 2015 hodzie jana sustrakałasia ŭ 1,7 vypadku na 100 tysiač nasielnictva, a za pieršaje paŭhodździe hetaha — 0,6 vypadku. Adnačasova zachvorvańnie vostrym hiepatytam B źniziłasia adrazu ŭ 3,5 razy, bieśsimptomnymi formami — u piać razoŭ. Mienavita suprać hetaha typu virusa ŭ Biełarusi naładžana masavaja vakcynacyja — štohod praź jaje prachodziać kala 115.000 čałaviek. Siarod ich prykładna 85.000 novanarodžanych i 4.000 čałaviek z padvyšanaj ryzykaj inficyravańnia.
Što tyčycca virusnaha hiepatytu typu S, to ad 1996 hoda vyjaŭlena kala 40.000 chvorych. Jak praviła, kožny hod rehistrujuć 4.000 novych vypadkaŭ. Tut, viadoma, možna rabić papraŭku na toje, što zhodna z raźlikami maksimalna mahčymaja kolkaść inficyravanych hiepatytam S u krainie, uličvajučy i nievyjaŭlenyja vypadki, nabližajecca da 1,2 pracenta ad ahulnaj kolkaści nasielnictva. Adnak heta najbolš piesimistyčny z usich varyjantaŭ prahnozaŭ. Stanovišča spraŭ u Biełarusi ŭ SAAZ bojazi nie vyklikaje, u adroźnieńnie ad mnohich inšych krain.
Sabranyja nazirańni pakazvajuć, što piataja častka zaražeńniaŭ adbyvajecca praź nieabaronienyja pałavyja kantakty, a 11 adsotkaŭ źviazanyja ź injekcyjnym spažyvańniem narkotykaŭ. Padčas miedycynskich manipulacyj pracent zaražeńnia minimalny - 0,02. Kudy čaściej zaražeńnie źviazvajuć z byccam by biaskryŭdnymi kaśmietyčnymi pracedurami kštałtu tatuirovak, manikiuru, piedykiuru. Dla pieradačy hiepatytu dastatkova dziesiacitysiačnaj millilitra kryvi, maleńkaj ranki.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary