Ad siońniašniaha dnia ŭ Miensku stanie na adnu ambasadu bolš — 3‑ha červienia a 15‑j hadzinie adbudziecca aficyjnaje adkryćcio dyplamatyčnaha pradstaŭnictva Vuhorščyny ŭ Biełarusi. Z hetaj nahody ŭ Miensk prybyŭ dziaržaŭny sakratar MZS Vuhorščyny Dźjerdź Hijian.
Ad siońniašniaha dnia ŭ Miensku stanie na adnu ambasadu bolš — 3‑ha červienia a 15‑j hadzinie adbudziecca aficyjnaje adkryćcio dyplamatyčnaha pradstaŭnictva Vuhorščyny ŭ Biełarusi. Z hetaj nahody ŭ Miensk prybyŭ dziaržaŭny sakratar MZS Vuhorščyny Dźjerdź Hijian.
Skarystaŭšysia pryjezdam spadara Hijiana ŭ Miensk, biełaruski MZS siońnia i zaŭtra pravodzić dvuchbakovyja kansultacyi na ŭzroŭni źniešniepalityčnych viedamstvaŭ. Jak paviedamili «Svabodzie» u presavaj słužbie źniešniepalityčnaha viedamstva Biełarusi, baki «abmiarkujuć šyrokaje koła pytańniaŭ dvuchbakovaha supracoŭnictva, uklučajučy raźvićcio palityčnaha dyjalohu pamiž našymi krainami».
Taksama planujecca razmova ab perspektyvach raźvićcia dyjalohu Biełarusi z Eŭraźviazam i ŭzajemadziejańnie z Vyšahradzkaj hrupaj.
Dyplamatyčnuju misiju Vuhorščyny ŭ Biełarusi ačolić Ferenc Kontra. Heta daśviedčany dyplamat, jaki da pryjezdu ŭ Biełarusi pracavaŭ va Ŭkrainie. Ambasada raźmieścicca pa vulicy Płatonava, u novym budynku biznes‑centru. Planujecca, što ŭ druhoj pałovie červienia novaja ambasada ŭžo budzie vydavać vizy dla asobaŭ, jakija chočuć naviedać Vuhorščynu.
Na dolu Vuhorščyny prychodzicca 10% usiaho tavarazvarotu Biełarusi z krainami Uschodniaj Eŭropy. Letaś ahulny abjom handlu skłaŭ 270 miljonaŭ dalaraŭ.
Ambasada Biełarusi ŭ Vuhorščynie pracuje ŭžo niekalki hadoŭ. Jaje ačolvaje Alena Kupčyna, jakaja raniej uznačalvała departament humanitarnaj dapamohi MZS Biełarusi.
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary