Moładzievaha aktyvista z Salihorsku vyklučyli napiaredadni apošniaha vypusknoha ispyta.
Jašče naprykancy traŭnia ŭ škole prachodziŭ pedsaviet, kab nie dapuścić chłopca da ispytaŭ, ale nastaŭniki adzinahałosna pryniali rašeńnie — dapuścić Šyłu da ekzamenaŭ. Ivan paśpiachova zdaŭ matematyku i rasiejskuju movu, zastavałasia tolki apošniaje vyprabavańnie — anhielskaja mova.
Prykładna ŭ hety samy čas u horad harniakoŭ pryjechała admysłovaja kamisija ź Miensku, jakaja, pa słovach niekatorych z pedahohaŭ, patrabavała, kab maładzionu ŭsio ž nia vydali atestat ab siaredniaj adukacyi. Prapanoŭvałasia navat anulavać vyniki pieršych ispytaŭ, nibyta chłopiec śpisvaŭ, ale pedahahičny kalektyŭ znoŭ admoviŭsia pajści na hety krok.
Jak kaža Ivan, na dyrektarku škołu rabiŭsia pastajanny cisk. Z hetaj nahody Volha Siańkova navat napisała zajavu ab zvalnieńni, zvolnili i namieśnika dyrektara pa vychavaŭčaj pracy. Pierad faktam zvalnieńnia taksama apynulisia načalnik adździełu adukacyi harvykankamu i jašče try namieśniki dyrektara škoły.
U aŭtorak 3 červienia ŭ harvykankamie ŭ terminovym paradku była sklikanaja kamisija pa spravach niepaŭnaletnich, jakaja i pryniała iznoŭ ža adzinahałosnaje rašeńnie ab vyklučeńni Ivana Šyły sa škoły. Takim čynam, chłopiec nia zmoža zdać apošni ispyt dla atrymańnia dyplomu.
Ivan usio adno źbirajecca zaŭtra iści na ekzamen, bo ličyć takoje rašeńnie niezakonnym.
«Pa‑pieršaje, mianie vyklučali za majoj adsutnaściu. Pa‑druhoje, kali mianie ŭžo dapuścili da ispytaŭ, to nia majuć prava pazbaŭlać mahčymaści ich zdać biaz važkaj pryčyny», — kaža I.Šyła.
Na dumku chłopca, najchutčej heta robicca z toj pryčyny, kab jon nia zmoh pastupić u ajčynnyja VNU.
«Kali svoječasova nie atrymaju dyplom, to daviadziecca źviartacca ŭ sud», — havoryć jon.
Nahadajem Ivan Šyła letaś byŭ pryznany vinavatym pa kryminalnaj spravie za dziejnaść ad imia «Maładoha frontu», ale abmiežavaŭsia papiaredžańniem. Na rachunku chłopca dziesiatki zatrymańniaŭ i administracyjnych pratakołaŭ. Niepaŭnaletni Ivan źjaŭlajecca adnym z najbolš jarkich rehijanalnych aktyvistaŭ apazycyi.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary