Pres-słužba Pałka Kalinoŭskaha raskazała kranalnuju historyju siabroŭstva adnaho ź biełaruskich dobraachvotnikaŭ va Ukrainie z prostym ukrainskim sabakam.
Artyleryst Pałka Kalinoŭskaha z pazyŭnym Zołtan sustreŭ svajho naparnika ŭ vieraśni 2022 hoda ŭ pryfrantavym Hulajpoli. Bajcy spynilisia pamianiać prabitaje koła, i da ich vybiehli try miascovyja sabaki. Samaha aktyŭnaha ź ich — nievialikaha biełaha sabaku, jaki ŭžo paśpieŭ pasiadzieć pad abstrełami z «Hradaŭ», — Zołtan zabraŭ z saboj.
Imia dali pa afarboŭcy — Bialaš. Usiudy, dzie byŭ haspadar — u Zaparožžy, Kupiansku, Charkavie, Družkoŭcy, — sabaka išoŭ śledam za im, staŭšy paŭnapraŭnaj častkaj kamandy.
Niahledziačy na frantavoje žyćcio, Bialaš nienavidzieŭ zbroju. Varta było bajcam pačać čyścić aŭtamaty, jak sabaka nie vytrymlivaŭ mietaličnaha brazhatu i išoŭ u inšy pakoj. Na sami pazicyi Zołtan jaho nie braŭ, kab źbierahčy, zatoje Bialaš uziaŭ na siabie kantrol za niebam. Pačuŭšy huł varožaha drona, jon vybiahaŭ na dvor i luta abrechvaŭ pahrozu.
U Kupiansku jaho samastojnaść prajaviłasia ŭ poŭnaj miery: Bialaš sabraŭ sapraŭdnuju bandu ź miascovych sabak, uznačaliŭ jaje i nasiŭsia pa horadzie. Jaho paznavali navat na dalokich zaharadnych błokpastach.
U astatnim heta byŭ prosty sabaka, jaki vielmi lubiŭ syroje miasa, pajezdki na mašynie i brachać na vaviorak.
«Jon pražyŭ vydatnaje sabačaje žyćcio. Ja, prynamsi, pastaraŭsia, kab jano ŭ jaho takim było», — zhadvaje Zołtan.
Na žal, 21 lipienia 2026 hoda Bielaša nie stała.
Biełaruskaha dobraachvotnika Žerara vyzvalili z-pad varty pad zakład
Udava biełaruskaha dobraachvotnika zdoleła sabrać podpisy pad pietycyjaj ab prysvajeńni inšaziemcam zvańnia Hieroja Ukrainy
Biełaruski dobraachvotnik raskazaŭ, što siońnia nasamreč vyrašaje vajnu
Što za Biełaruskaja vyzvolnaja armija, čyj znak zaŭvažyli ŭ zvarocie Zialenskaha z ultymatumam da Łukašenki?
Kamientary
Škada.
Ź imi my ŭsie ich žyćcio i nažal raźvitvajemsia ..