Turcyja pačała apieracyju pa vyzvaleńni pamiežnaha horada Džerabłus ad ekstremisckaj hrupoŭki «Isłamskaja dziaržava». U bajavych dziejańniach udzielničajuć artyleryja, avijacyja i naziemnyja siły.
Pačatku apieracyi papiaredničaje artyleryjski abstreł pazicyj isłamistaŭ i sieryja avijaŭdaraŭ z udziełam samalotaŭ kaalicyi pad kiraŭnictvam ZŠA.
Zhodna z płanam vajskovaha kamandavańnia, paśla artpadrychtoŭki na Džerabłus rušać naziemnyja vojski, jakija ŭradavyja ŚMI nazyvajuć «śpiecyjalnaj apieratyŭnaj hrupaj».
«Metaj zhadanaj apieracyi taksama źjaŭlajecca praduchileńnie novaha patoku mihrantaŭ, zabieśpiačeńnie dastaŭki nasielnictvu humanitarnaj dapamohi i ačystka rehijonu ad terarystyčnych elemientaŭ», — paviedamlaje ahienctva «Anadału».
Jak paviedamiła vajskovaja krynica ahienctvu «Rejter», tureckija sałdaty ŭ Siryju pakul nie ŭvajšli, bo bambardziroŭki i artpadrychtoŭka pakul praciahvajucca.
Džerabłus znachodzicca na adlehłaści kala adnaho kiłamietra ad siryjska-tureckaj miažy. 20 lipienia 2012 hoda Džerabłus byŭ zaniaty siłami siryjskaj apazicyi, jakija zamacavalisia ŭ horadzie.
U pačatku 2013 hoda bajeviki «Isłamskaj dziaržavy» vycisnuli z Džerabłusa apazicyju.
Što zapisana aficyjnaj pryčynaj śmierci adzinaha syna Jarmošynaj?9
Kamientary