Pasolstva Izraila: Novy pasoł u Biełarusi budzie pryznačany nie raniej za listapad
Novy pasoł Izraila ŭ Biełarusi budzie pryznačany nie raniej za listapad, paviedamili BiełaPAN u izrailskim pasolstvie. «Novy pasoł pakul nie pryznačany, i, chutčej za ŭsio, varta čakać pryznačeńnia ŭžo nie raniej za listapad», — skazała pradstaŭnik dypmisii.
Raniej čakałasia, što novy pasoł prybudzie ŭ Minsk da kanca leta — pra heta paviedamiła žurnalistam u krasaviku časovy pavierany ŭ spravach Izraila ŭ Biełarusi Julija Račynski-Śpivakoŭ. Pavodle jaje słoŭ, jašče ŭ krasaviku kandydatura novaha pasła ŭ Biełarusi znachodziłasia na razhladzie izrailskaha ŭrada.
Nahadajem, u 2015 hodzie premjer-ministr Bińjamin Nietańjachu prapanavaŭ u suviazi sa skaračeńniem vydatkaŭ likvidavać siem dypłamatyčnych pradstaŭnictvaŭ Izraila, u tym liku ŭ Biełarusi. Urad hetuju inicyjatyvu padtrymaŭ.
U pačatku 2016 hoda biełaruskaje MZS paviedamiła, što ŭ adkaz na zakryćcio pasolstva Izraila ŭ Minsku Biełaruś zakryje svajo pasolstva ŭ Tel-Avivie, jak heta praduhledžana «zvyčajnaj dypłamatyčnaj praktykaj». Pry hetym adznačałasia, što «izrailski bok robić pamyłku, ihnarujučy toj fakt, što dźvie krainy źviazvajuć los dziasiatkaŭ tysiač ludziej, dla jakich Izrail i Biełaruś źjaŭlajucca blizkimi i rodnymi krainami, a taksama ŭ cełym pazityŭnuju dynamiku dvuchbakovych adnosin u roznych śfierach».
U sakaviku izrailski MZS abviaściŭ ab rašeńni zachavać prysutnaść svajoj dypmisii ŭ Biełarusi ŭ raniejšym farmacie. U adkaz na heta biełaruski bok paviedamiŭ, što pasolstva Biełarusi ŭ Izraili taksama praciahnie svaju pracu.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?10
Kamientary