Minachovy zdaroŭja budzie prasoŭvać ideju abmiežavańnia času i miescaŭ prodažu ałkaholu

U ramkach realizacyi dziaržprahramy «Zdaroŭje naroda i demahrafičnaja biaśpieka Respubliki Biełaruś» na 2016—2020 hady płanujecca pryniać šerah mier dla źnižeńni spažyvańnia ałkaholu ŭ krainie. Pra heta paviedamiŭ pieršy namieśnik ministra achovy zdaroŭja Dźmitryj Pinievič padčas pres-kanfierencyi ŭ pres-centry BIEŁTA 22 vieraśnia.

Prahrama praduhledžvaje źnižeńnie spažyvańnia ałkaholu na dušu nasielnictva da 9,2 litra ŭ hod, skazaŭ Pinievič. Pa vynikach 2015 hoda spažyvańnie ałkaholu skłała 9,05, heta značyć mienš, čym zakładziena ŭ prahramie.

Jak rastłumačyli ŭ Ministerstvie achovy zdaroŭja, prahrama raspracoŭvałasia ŭ 2015 hodzie na padstavie spažyvańnia ałkaholu ŭ 2014 hodzie — 10,47 litra na dušu nasielnictva.

Razam z tym tendencyja źnižeńnia spažyvańnia ałkaholu nazirajecca niekalki hadoŭ: naprykład, jašče ŭ 2011 hodzie ŭzrovień jaho spažyvańnia na dušu nasielnictva składaŭ 13,4 litra.

«Da takoha vyniku pryviała dziaržaŭnaja palityka pa pamianšeńni spažyvańnia ałkaholu», — skazaŭ namieśnik ministra. Pry hetym jon padkreśliŭ, što i isnujučy pakazčyk ź`iaŭlajecca vysokim, pakolki navat spažyvańnie ałkaholu 8 litraŭ u hod na dušu nasielnictva ličycca pamiežnym uzroŭniem, pry jakim nacyi pačynaje nanosicca ŭron.

Samaje niebiaśpiečnaje, pavodle słoŭ Pinieviča, što «ŭžyvańnie ałkaholu ŭ Biełarusi adbyvajecca pa skandynaŭskim typie», heta značyć vialikimi dozami ŭžyvajecca mocny ałkahol.

Pazicyja Ministerstva achovy zdaroŭja zaklučajecca ŭ tym, što baraćba z ałkahalizmam pavinna pravodzicca kompleksna, uklučajučy abmiežavalnyja miery, uviadzieńnie jakich znachodzicca ŭ kampietencyi miascovych uładaŭ, skazaŭ namieśnik ministra.

Adkazvajučy na pytańnie BiełaPAN ab tym, ci budzie Ministerstva achovy zdaroŭja łabiravać uviadzieńnie mier pa abmiežavańni času i miescaŭ prodažu ałkaholu, Pinievič skazaŭ: «My pamylajemsia, kali dumajem, što, kali abmiažujem čas prodažu ałkaholu, adrazu atrymajem uzrovień spažyvańnia, naprykład, try litry na dušu nasielnictva ŭ hod».

Razam z tym namieśnik ministra stanoŭča acaniŭ uviadzieńnie abmiežavańnia prodažu ałkaholu padčas praviadzieńnia masavych mierapryjemstvaŭ. Jon nahadaŭ, što ŭ kancy 1990-ch hadoŭ masavyja mierapryjemstvy ŭ Minsku zakančvalisia šmatlikimi vypadkami špitalizacyi ŭ suviazi sa złoŭžyvańniem ałkaholem. «Heta była trahiedyja, tamu što pavalna lažali ŭsio», — skazaŭ Pinievič.

Jon padkreśliŭ, što Ministerstva achovy zdaroŭja budzie prasoŭvać ideju abmiežavańnia času prodažu ałkaholu, a taksama miescaŭ prodažu ŭ śpiecyjalizavanych adździełach.

«Niemałavažny faktar — biaśpieka i jakaść ałkaholu, a taksama zachavańnie vysokich akcyzaŭ na ałkaholnuju pradukcyju. Heta ź`iaŭlajecca častkaj abmiežavalnych mier pa baraćbie z abarotam tytuniu i ałkaholu ŭ luboj krainie, u Biełarusi praces budzie prachodzić pakrokava», — skazaŭ Pinievič.

U Biełarusi bolš za 267 tysiač čałaviek znachodziacca na roznych vidach narkałahičnaha ŭliku, u tym liku na dyspansiernym nazirańni bolš za 165 tys. čałaviek i prafiłaktyčnym bolš 101 tysiačy.

• 0
• 0
• 0
• 0
• 0
• 0
• 0
• 0