Milinkievič: U Biełarusi pavinna być adna dziaržaŭnaja mova — biełaruskaja
Lider Ruchu «Za Svabodu» adkazaŭ na pytańni čytačoŭ lenta.ru.
Rasiejskich čytačoŭ najpierš chvalavali pytańni, jak buduć raźvivacca adnosiny miž Biełaruśsiu i Rasiejaj u vypadku pieramohi apazycyi, što budzie ź dziaržaŭnym statusam rasiejskaj movy i ci nie źbirajecca Biełaruś ustupać u NATO. Na heta Milinkievič adkazaŭ tak: Biełarusi nakanavana być mastkom miž Uschodam i Zachadam, biełaruskaja mova — dziaržaŭnaja, rasiejskaja — mižnacyjanalnych znosin, bolšaść nasielnictva vystupaje za neŭtralitet krainy, chacia ŭ mianie niama NATOfobii.
Palityk jašče raskazaŭ, ci nie planujecca jahonaja sustreča ź Dźmitryjem Miadźviedzievym, vykazaŭ svajo staŭleńnie nakont sajuznaj dziaržavy, a taksama adžartavaŭsia na pytańnie, ci smačna kormiać na zamiežnych pryjomach.
Cikava, što na pytańni zadadzienyja pa‑biełarusku Milinkievič adkazvaŭ mienavita na biełaruskaj movie. Nia kožny dzień pabačyš našu movu na rasiejskich sajtach.
Pytańniaŭ było šmat, u tym liku ad naviednikaŭ ź Biełarusi. Praź biednaść BiełNetu mnohija biełaruskija internaŭty pa-raniejšamu žyvuć u RuNecie.
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary