Trahiedyja adbyłasia 17 kastryčnika kala 22 hadzin u vioscy Šarpiłaŭka Homielskaha rajona. Chłopiec prakraŭsia ŭ dvor doma, dzie žyła nastaŭnica, dačakaŭ momant, kali 43-hadovaja žančyna vyjšła z chaty, i nanios joj udary nažom.
Ad atrymanych cialesnych paškodžańniaŭ paciarpiełaja pamierła na miescy zdareńnia, paviedamiła aficyjny pradstaŭnik USK pa Homielskaj vobłaści Maryja Kryvanohava.
Cieła zahinułaj vyjavili tolki na nastupnuju ranicu. Nieŭzabavie byŭ nazvany padazravany ŭ zabojstvie. Im akazaŭsia 17-hadovy žychar hetaj ža vioski. Viadoma, što chłopiec nidzie nie vučycca i nie pracuje. U momant ździajśnieńnia złačynstva znachodziŭsia ŭ stanie ałkaholnaha apjanieńnia. U dačynieńni da jaho raspačata kryminalnaja sprava pa artykule «Zabojstva, učynienaje z asablivaj žorstkaściu».
Zaraz śledčyja vyśviatlajuć abstaviny zdareńnia. Pa asnoŭnaj viersii, svajo złačynstva padazravany ździejśniŭ z karyślivych mierkavańniaŭ.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary65
Kamientary