Na śpiecyjalna sklikanaj pres-kanfierencyi ŭ subotu aktrysa filmaŭ dla darosłych Džesika Drejk zajaviła, što incydent adbyŭsia ŭ 2006 hodzie na turniry pa holfie ŭ Kalifornii. Tramp, pa jaje słovach, flirtavaŭ ź joj, a zatym zaprasiŭ u svoj numar.
Jana pahadziłasia, ale pryjšła ŭ supravadžeńni dvuch siabrovak. Zamiest pryvitańnia Tramp nibyta pacałavaŭ kožnuju ź dziaŭčyn bieź ich zhody.
Paśla hetaha vizitu, zajaviła aktrysa, miljarder adzin raz patelefanavaŭ joj z pytańniem: «Čaho ty chočaš? Kolki?»
Drejk śćviardžaje, što byŭ i druhi zvanok, padčas jakoha padobny na Trampa čałaviek prapanavaŭ joj 10 tys. dalaraŭ i biaspłatny pieralot na pryvatnym samalocie, u vypadku kali jana pahodzicca na suviaź z Trampam.
U štabie palityka hetyja zajavy nazvali «absalutnaj chłuśnioj», padkreśliŭšy, što Tramp navat nie znajomy z Drejk.
Drejk stała ŭžo 11 žančynaj, jakaja abvinavaciła Trampa ŭ seksualnych damahańniach. Jon usie abvinavačvańni admaŭlaje, a niadaŭna paabiacaŭ paśla vybaraŭ padać u sud na «ŭsich hetych chłusaŭ».
Kamientary