Jaho nie stała 23 kastryčnika. Movaznaŭcu było 83 hady.
Ivan Jaškin naradziŭsia ŭ vioscy Šałamy Słaŭharadskaha rajona ŭ 1932. Ad 1959 jaho los byŭ źviazany z Akademijaj navuk Biełarusi.
Asnoŭnymi jaho zacikaŭleńniami byli dyjalektałohija i leksikałohija.
Jon braŭ udzieł u zbory materyjałaŭ, układańni i vydańni linhvahieahrafičnych artykułaŭ «Leksičnaha atłasa biełaruskich narodnych havorak»
u 5 tamach (1971—1998). Udzielničaŭ u vydańni «Leksičnaha atłasa biełapyckich narodnych havorak» dla «Dyjalektałahičnaha atłasa biełaruskaj movy» u 1963 h., «Ahulnasłavianskaha linhvistyčnaha atłasa» u 1964—1974 hh., a taksama ŭ zbory materyjałaŭ i raspracoŭcy navukovych tem «Linhvistyčny atłas Jeŭropy» (1985—1990), «Uschodniesłavianskija izahałosy» (1986—1991), «Słoŭnika havorak paŭdniova-zachodniaj Viciebščyny» (1986—1998), «Vyvučeńnie biełaruskich, litoŭskich, polskich i ruskich havorak na terytoryi ŭzajemadziejańnia bałtyjskich i słavianskich moŭ» (1988—1990).
Aŭtar prac «Biełaruskija hieahrafičnyja nazvy. Tapahrafija. Hidrałohija» (1971), «Uzajemadziejańnie roznadyjalektnych sistem. Fanietyka» (1979), adzin sa składalnikaŭ «Tłumačalnaha słoŭnika biełaruskaj movy» (1977—1982), «Turaŭskaha słoŭnika» (1982—1985).
Łukašenka: U 2020 hodzie kala Pałaca Niezaležnaści nie pakistancy biehali20
Kamientary