Placoŭku na Internacyjanalnaj vulicy ŭ Minsku na miescy źniesienaj ściany Coja, dzie sustrakalisia fanaty kultavaha śpievaka, znoŭ vystaviać na aŭkcyjon.
Minharvykankam zabraŭ učastak na vulicy Internacyjanalnaj, jaki vydzielili ŭ svoj čas kampanii, źviazanaj ź viadomym biznesmienam Siarhiejem Dziemčukom. Paśla padrychtoŭki horadabudaŭničaha pašparta płanujecca ŭ pieršaj pałovie nastupnaha hoda vystavić kanfiskavany ziamielny ŭčastak na aŭkcyjon, paviedamlaje ahienctva «Minsk-Naviny».
Jak paviedamlaŭ ej.by, na pačatku 2000-ch kampanija «Sułona», u jakoj Dziemčuku naležała prykładna tracina, uziałasia budavać na hetym miescy biznes-centr «Vierchni horad».
U vieraśni 2008 hoda ścianu Coja, jakaja tut znachodziłasia, demantavali i vyvieźli. Zakłali padmurak.
Ale ŭ 2011 hodzie stała vidavočna, što na abjekcie praca amal nie viadziecca. Na biznesmiena zaviali kryminalnuju spravu. Abvinavačvańnie paličyła, što Dziamčuk šlacham padmanu prysvoiŭ sabie 11 młrd rubloŭ dolščykaŭ. Zamiest taho kab ukłaści ich u budaŭnictva, «Sułona» nakiravała častku na finansavańnie inšaha abjekta — žyłoha doma na vulicy Kisialova, a častku vydavała ŭ jakaści pazyk jurydyčnym asobam, jakija taksama byli padkantrolnyja biznesmienu. Tym samym byli parušanyja pravy inviestaraŭ i zakanadaŭstva.
Viasnoj 2015 hoda biznesmienu prysudzili 8 hadoŭ pazbaŭleńnia voli za machlarstva. Z ulikam taho, što Dziamčuk na toj momant adbyvaŭ pakarańnie za anałahičnyja złačynstvy, jamu dadali jašče adzin hod.
Biznesmien svajoj viny nie pryznaŭ. Niekatoryja dolščyki taksama nie ličyli jaho vinavatym i śpisvali prablemy na kryzis.
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary