Dziaržaŭny doŭh Biełarusi na 1 kastryčnika 2016 hoda skłaŭ 36 młrd rubloŭ i pavialičyŭsia ŭ paraŭnańni z pačatkam hoda na 3,1 młrd rubloŭ, abo na 9,6%.
Jak paviedamlaje Ministerstva finansaŭ, źniešni dziarždoŭh na 1 kastryčnika skłaŭ 13,4 młrd dołaraŭ ZŠA, pavialičyŭšysia z pačatku hoda na 977,8 młn dołaraŭ (z ulikam kursavych roźnic), abo na 7,9%.
U studzieni—vieraśni 2016 hoda pryciahnutyja źniešnija dziaržaŭnyja pazyki na 1 młrd 543,4 młn dołaraŭ ZŠA: 800 młn — Jeŭrazijskaj fondu stabilizacyi i raźvićcia (JEFSR); 359,6 młn — urada i bankaŭ Rasii; 287 młn — bankaŭ KNR; 95 młn — MBRR; 1,8 młn — JEBRR i SIB.
Pahašeńnie źniešniaha dziaržaŭnaha doŭhu z pačatku 2016 hoda skłała 690,7 młn dołaraŭ ZŠA: 225 młn — urad Rasii; 264,8 młn — JEFSR; 166,7 młn — banki KNR; 33,4 młn — MBRR; 0,7 młn — ZŠA; 0,1 młn — JEBRR i SIB.
Unutrany dziarždoŭh na 1 kastryčnika 2016 hoda skłaŭ 10,1 młrd rubloŭ, pavialičyŭšysia z pačatku hoda na 0,4 młrd rubloŭ, abo na 4,1%.
Za studzień—vierasień raźmieščana ŭnutranych valutnych i rublovych dziaržablihacyj dla jurydyčnych i fizičnych asob na 1 młrd 329 młn dołaraŭ i 495,9 młn rubloŭ adpaviedna. Kampiensavana valutnych i rublovych dziaržaŭnych ablihacyj dla jurydyčnych i fizičnych asob na 1 młrd 276 młn dołaraŭ i 596,2 młn rubloŭ.
Na dumku šerahu ekśpiertaŭ, u biełaruskaha ŭrada niama inšych krynic pahašeńnia daŭhoŭ, akramia źniešnich zapazyčańniaŭ. U 2017 hodzie nieabchodna nakiravać na pahašeńnie dziaržaŭnaha doŭhu 5 młrd 232,2 młn rubloŭ. Pahašeńnie dziaržaŭnaha doŭhu ŭ zamiežnaj valucie składzie 2 młrd 311 młn dołaraŭ ZŠA. U tłumačalnaj zapiscy Minfina da prajekta respublikanskaha biudžetu havorycca, što na pahašeńnie źniešniaha dziarždoŭhu spatrebicca 2 młrd 278,6 młn rubloŭ, unutranaha — 2 młrd 953,6 młn.
Pry hetym u 2017 hodzie płanujecca pryciahnuć 1 młrd ŭ 860 młn dołaraŭ ZŠA (4 młrd 83,4 młn rubloŭ): za košt troch tranšaŭ kredytu Jeŭrazijskaj fondu stabilizacyi i raźvićcia — 700 młn dołaraŭ, vypusku jeŭraablihacyj — 800 młn dołaraŭ, vypusku ŭnutranych dziaržablihacyj — 360 młn dołaraŭ.
Nahadajem, za 2015 hod dziaržaŭny doŭh Respubliki Biełaruś vyras na 131,1 trłn rubloŭ, abo na 66,4%, i na 1 studzienia 2016 hoda skłaŭ 328,6 trłn. Pry hetym źniešni dziarždoŭh na 1 studzienia 2016 hoda skłaŭ 12,4 młrd dołaraŭ ZŠA, źmienšyŭšysia z pačatku 2015 hoda na 133,9 młn dołaraŭ (z ulikam kursavych roźnic), abo na 1,1%.
Limit źniešniaha dziaržaŭnaha doŭhu Biełarusi na 2016 hod ustanoŭleny ŭ 17 młrd dołaraŭ — heta praduhledžana zakonam ab biudžecie. Limit unutranaha dziaržaŭnaha doŭhu na 2016 hod ustanoŭleny ŭ 115 trłn.
Kamientary