Vostraŭ małaka: kazačnaja historyja ad Siarhieja Hudzilina pra sakralny biełaruski pradukt VIDEA
Čatyry siamji ŭ nievialikim miastečku Druja na samaj poŭnačy Biełarusi trymajuć u svajoj chatniaj haspadarcy karoŭ. Uvieś siezon karovy paśviacca na vialikim vostravie prosta pasiarod Dźviny. Adzin bierah raki — biełaruski, a druhi — užo na terytoryi Łatvii i Jeŭrapiejskaha sajuza.
Dva razy na dzień žychary Drui pierapłyvajuć na čoŭnach raku, kab padaić na vostravie karoŭ. Hety intymny praces zdabyčy małaka adbyvajecca tam užo niekalki stahodździaŭ. Karoŭ pierahaniajuć na vostraŭ kožnuju viasnu, a zabirajuć nazad poźniaj vosieńniu.
Vostraŭ miascovyja nazyvajuć «biernardynski» — pa levym bierazie Dźviny mieścicca były biernardynski klaštar 17 stahodździa. Karoŭ na vostravie trymali «usie časy», jak kažuć miascovyja. Viadoma, što na im isnavała haspadarka biernardynskaha klaštara.
Vostraŭ mieścicca na samaj miažy Biełarusi z Łatvijaj — miaža prachodzić prosta pa pravym rukavie Dźviny. Kab pierahnać karoŭ na vostraŭ, drujskija dajary atrymlivajuć śpiecpropuski.
Hetyja čatyry siamji, jakija trymajuć karoŭ, praciahvajuć kultyvavać toj pobyt, jaki isnavaŭ tut stahodździami. Daić ich vučyli ich baćki. Karoŭ trymajuć vyklučna dla siabie. Małako, zdabytaje na drujskim vostravie, u Minsku mahli b nazvać «arhaničnym» ci «kraftavym» praduktam.
Ale pobyt hetych ludziej nieparyŭna źviazany ź ich stylem žyćcia. Dva razy na dzień jany pierapłyvajuć Dźvinu i zdabyvajuć «kraftavaje» małako dla siabie, a liški zdajuć dziaržavie pa 35 kapiejek za litr. Tak było tut «usie časy» i heta, imavierna, skončycca na hetym pakaleńni drujskich haspadaroŭ.
«Naša Niva» — bastyjon biełaruščyny
PADTRYMAĆVialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»15
Kamientary