Letam nastupnaha hoda ŭ suviazi z rekanstrukcyjaj uźlotna-pasadačnaj pałasy ŭ Vilenskim aeraporcie irłandskaja biudžetnaja avijakampanija Ryanair na praciahu dvuch miesiacaŭ nie budzie latać sa stalicy Litvy, paviedamlaje Delfi.
Bolšaść rejsaŭ avijakampanii buduć pieraniesienyja ŭ Kaŭnas.
«U nas jość mahčymaści pieranieści rejsy ŭ Kaŭnas. Taksama buduć źmieny ŭ raskładzie, ale my vierniem samaloty nazad u Vilniu, jak tolki rekanstrukcyja zavieršycca», — zajaviŭ u sieradu na pres-kanfierencyi ŭ Vilni dyrektar pa pytańniach markietynhu Ryanair Macijas Vienk.
Rekanstrukcyja ŭźlotna-pasadačnaj pałasy Vilenskaha aeraporta budzie doŭžycca z 14 lipienia pa 18 žniŭnia. U hety pieryjad bolšaść avijakampanij, jakija latajuć ź Vilni, buduć pracavać u Kaŭnasie. Najbujniejšy kankurent Ryanair — vienhierskaja biudžetnaja avijakampanija Wizz Air — taksama płanuje na hety pieryjad pieranieści rejsy ź Vilni ŭ Kaŭnas.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii26
Kamientary