Pra heta paviedamili ŭ Ministerstvie pracy i sacyjalnaj abarony.
Siarod rehijonaŭ krainy lidaram pa kolkaści doŭhažycharoŭ tradycyjna źjaŭlajecca Hrodzienskaja vobłaść: tut na 1 kastryčnika biahučaha hoda było 89 čałaviek starejšych za 100 hadoŭ. Na druhim miescy — Viciebskaja vobłaść (70 čałaviek), na trecim — Minskaja vobłaść (68). U Homielskaj vobłaści pražyvali 66 čałaviek, jakija adznačyli svoj viekavy jubilej, u Minsku — 59, u Bresckaj vobłaści — 58, u Mahiloŭskaj vobłaści — 54.
Treba adznačyć, što žančyny pieravažajuć siarod ajčynnych doŭhažycharoŭ u šeść razoŭ: svoj 100-hadovy jubilej užo adznačyli 399 žančyn i 65 mužčyn.
Pavodle danych Minpracy i sacabarony, na 1 kastryčnika hetaha hoda ŭ respublicy naličvałasia piać biełarusaŭ va ŭzroście 110 hadoŭ i starejšych, ź ich dva čałavieki, jakija pražyvajuć u Hrodzienskaj i Minskaj abłaściach, znachodziacca va ŭzrostavaj katehoryi 115 hadoŭ i starejšyja.
Zhodna z ahulnapryniataj u hierantałohii kłasifikacyi, da pažyłych naležać ludzi va ŭzroście z 60 da 75 hadoŭ, da ludziej starečaha ŭzrostu — starejšyja za 75 hadoŭ, da doŭhažycharoŭ — paśla spaŭnieńnia 90 hadoŭ.
Pavodle mižnarodnych kryteryjaŭ nasielnictva krainy ličycca starym, kali ŭdzielnaja vaha žycharoŭ va ŭzroście 65 hadoŭ i starejšyja pieravyšaje 7 pracentaŭ. Ciapier kožny siomy biełarus (14,4 pracenta) znachodzicca ŭ hetaj uzrostavaj katehoryi.
-
Uładalnik kramy Kropka ŭ Vilni raskazvaje, jak raźvivajecca jaho biznes i ci znajšli tych, chto raźbiŭ im vokny
-
Rasijanka pierajechała ŭ viosku pad Oršaj i ździŭlena biełaruskim standartam. «Tut pastajanna jość śviatło»
-
Volha Takarčuk padzialiłasia dramatyčnymi padrabiaznaściami svaich uciokaŭ ź Biełarusi
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej5
Kamientary