Pieršym finalistam Eŭra-2008 stała ŭ sieradu kamanda Jachima Lova. Jana zdabyła valavuju pieramohu nad turkami – 3:2. Usio vyrašyŭ hoł Łama na 90-j chvilinie.
Pieršym finalistam Eŭra-2008 stała ŭ sieradu kamanda Jachima Lova. Jana zdabyła valavuju pieramohu nad turkami – 3:2. Usio vyrašyŭ hoł Łama na 90-j chvilinie.
Na trybunach stadyjonu ŭ Bazeli prysutničali kanclerka Niamieččyny Anhieła Merkiel, prezydent Švajcarskaj kanfederacyi, a taksama prezydent Turcyi Abduła Hiul. Stadyjon taksama byŭ padzieleny amal paroŭnu na «bieły» (niamiecki) i «čyrvony» (turecki) sektary. Niemcy ličylisia biasprečnymi favarytami, ale turki byli nia suprać padnieści čarhovuju sensacyju.
Tureckaja zbornaja zrabiła staŭku na blickryh u pačatku pieršaha tajmu. Kamanda Facicha Teryma na praciahu pieršych dvaccaci chvilin ździviła svajoj mabilizavanaściu, rašučaściu i nastrojem na hulniu.
Turki nie saromielisia bić z samych roznych dystancyj. Bili kali treba i kali nia treba. Na trynaccataj chvilinie Kazim Kazim - adzin z najlepšych u matčy - najmacniejšym udaram trapiŭ u papiarečynu. Praź dzieviać chvilin paśla vystrału Semicha miač znoŭ trapiŭ u armaturu bramy, ale na hety raz pradmiet hulni ŭdała adskočyŭ da Ŭhura Barała, jaki pierajhraŭ Lemana – 1:0.
Adnak niemcy akazalisia nie takimi prostymi. Napadniki ŭ ich sapraŭdy vydatnyja, a Bałak umieła dyryžyravaŭ atakami. Užo praz čatyry chviliny ŭlubioniec bundeskancleryny Bastyjan Švajnštajhier udała zamknuŭ flanhavuju pieradaču Łukaša Padolskaha – 1:1.
Turki ŭsio adno praciahvali iści napierad. Bačačy, što bramnik Jens Leman nia samaje mocnaje źviano «bundeścim», nie spynialisia šmatlikija ŭdary pa jahonych varotach. Ale pieršy tajm tak i skončyŭsia ničyjoj.
Ci nie pałovu druhoha tajmu amatary futbołu va ŭsim śviecie nie mahli nazirać za hulnioj praź pieraškody syhnału. Mahutnaja navalnica nad Vienaj pierabivała suviaź. Tamu i nia ŭbačyli druhi hoł niemcaŭ, kali Rušciu Rečber pamyliŭsia na vychadzie, a Kłoze zastavałasia tolki padstavić hałavu – 2:1.
Ale pamiatajučy pra raniejšyja podźvihi turkaŭ, być upeŭnienym u vyniku matča nie vypadała. I «čyrvonyja» znoŭ paćvierdzili rename kamandy, jakaja bjecca da apošniaha. Za čatyry chviliny da kanca matču toj samy Semich Šenturk, paśla ŭdaru jakoha dadomu pajechali charvaty, lik znoŭ adyhraŭ. Likavańnie ŭ tureckim sektary i sum u niamieckim.
Vyśvietliłasia ž, što z psychalohijaj u zbornaj Niamieččyny ŭsio dobra. Kazim, toj samy Kazim, niejkim niaščaściem, niejkim supadzieńniem padviarnuŭ nahu. Niemcy padchapili miač kala samaj štrafnoj. Sprytny Filip Łam bje - i miač celić u blizki vuhał varotaŭ Rušciu – 3:2.
Niemcy abjektyŭna byli macniejšymi, ale i turki mohuć viartacca na radzimu jak hieroi. Jany bilisia i dzivili. Na hetym Eŭra jany zrabili ŭsio, što mahli, a to i bolej.
Supiernik niemcaŭ pa finale vyznačycca zaŭtra ŭ matčy Rasieja – Hišpanija. Tranślacyja na telekanale ANT a 21:30. Samit ES-Rasieja ŭ Chanty-Mansijsku 26-27 červienia projdzie ŭ ciopłaj atmasfery.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary