Tolki na dvuch punktach propusku na miažy pamiž Ukrainaj i Rasijaj ABSIE naličyła bolš za 30 000 čałaviek va ŭniformie vajennaha ŭzoru, jakija pierasiakali hetuju miažu. Pra heta zajaviŭ pradstaŭnik ZŠA ŭ Arhanizacyi pa biaśpiecy i supracoŭnictvu ŭ Jeŭropie Danieł Bier (Daniel B. Baer), piša ŭkrainskaja słužba Radyjo Svaboda.
Vystupajučy z nahody pracy Naziralnaj misii ABSIE ŭ punktach propusku «Hukava» i «Danieck» (Rastoŭskaja vobłaść Rasii), jon zaklikaŭ padumać, što dziejecca na inšych punktach propusku na niepadkantrolnaj Kijevu častcy rasijska-ŭkrainskaj miažy, dzie naziralnikaŭ ABSIE niama.
Ambasadar ZŠA ŭ ABSIE padkreśliŭ, što hetaja misija, niahledziačy na ŭsie pieraškody, jakija joj akazvaje Rasieja, abmiažoŭvajučy jaje mandat i abjom dziejnaści, usio ž taki zmahła zadakumientavać destabilizujučuju i destruktyŭnuju dziejnaść Rasii na ŭschodzie Ukrainy.
U pryvatnaści, skazaŭ jon, Rasieja ŭžo try miesiacy naohuł nie adkazvaje na zapyt ABSIE z prośbaj dazvolić naziralnikam vychodzić za miežy hetych punktaŭ propusku i abychodzić ich pierymietr zvonku.
Abmiežavańni, jakija nakładvaje Rasija na dziejnaść naziralnikaŭ, u pryvatnaści, pieraškadžajuć mienavita vyjaŭleńniu asob u vajennaj formie, kali tyja pierasiakajuć miažu ŭ transpartnych srodkach ci kali drennaje nadvorje, padkreśliŭ Bier.
«My ŭsie viedajem, što kali Rasieja sprabuje vydać hetych ludziej za cyvilnych, heta vidavočnaja sproba schavać praŭdu: jany jeduć va Ukrainu, kab vajavać», — skazaŭ pasoł.
Pavodle jaho słoŭ, jość dadzienyja, što hetyja asoby atrymlivajuć zbroju, kali prybyvajuć na terytoryi va Ukrainie, jakija ŭtrymlivajucca sieparatystami.
Jon dadaŭ, što misija taksama pa mienšaj miery ŭ 27 vypadkach paviedamlała ab viartańni ŭ Rasiju katafałkaŭ z paznakaj «hruz 200», što źjaŭlajecca paznačeńniem dla zahinułych vajskoŭcaŭ.
«Heta soram, heta plama na sumleńni Kramla z-za taho, što jon nie tolki adpraŭlaje rasijskich synoŭ hinuć u biessensoŭnaj vajnie, pačataj bieź nieabchodnaści, ale i hańbić ich pamiać tym, što admaŭlaje pryniasieńnia ich u achviaru», — skazaŭ Bier.
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta10
Kamientary