Biełaruskaja sacyjał-demakratyčnaja hramada rychtujecca, što Miniust skasuje jaje aficyjnuju rehistracyju. Pra heta ŭ kamientary Jeŭraradyjo paviedamiŭ kiraŭnik partyi Stanisłaŭ Šuškievič.
Pryčyna zakryćcia — adsutnaść finansaŭ na arendu. Partyjam ciapier treba płacić za arendu ofisaŭ pa kamiercyjnych koštach, a heta niepadymnaja suma dla partyi Šuškieviča. Pa padlikach BSDH, im treba štomiesiac płacić 1100—1200 dalaraŭ.
«My prosta nie ciahniem hetu apłatu. My skasavali niekalki damoŭlenaściaŭ ab arendzie aficyjnym dakumientam, što my zakančvajem damovu ab arendzie, tamu što my nie ŭ stanie płacić. A heta pryviadzie da taho, što Ministerstva justycyi (nie my!) nas prykryje».
Tym nie mienš siabry partyi nie płanujuć kančatkova razychodzicca. Pa słovach Šuškieviča, płanujecca stvaryć arhkamitet pa novym stvareńni partyi, jaki moža dziejničać i biez ofisa.
Darečy, BSDH jak aficyjna zarehistravanaja partyja isnavała z 1996 hoda.
-
Litva paličyła fihuranta rasśledavańnia «Našaj Nivy» Skindzierava pahrozaj nacyjanalnaj biaśpiecy i źbirajecca pazbavić statusu ŭciekača
-
U pryhraničnych Lelčycach vučylisia razhortvać ruchomyja punkty charčavańnia i rečavaha zabieśpiačeńnia
-
U Viciebsku na piešachodnym pierachodzie pastavili niezvyčajnyja słupki. Jak jany pracujuć?
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary