Urad Irana ŭ sieradu adobryŭ prapanovu ab pierajmienavańni nacyjanalnaj valuty, ryała, u tuman. Tak jana nazyvałasia da 1930-ch hadoŭ. Adnačasova prapanujecca denaminacyja.
Z prapanovaj źmianić nazvu nacyjanalnaj valuty i pravieści denaminacyju vystupiła administracyja prezidenta Irana Chasana Raŭchani. U sieradu jana była ŭchvalenaja kabinietam ministraŭ, piša VVS sa spasyłkaj na aficyjnaje infarmacyjnaje ahienctva IRNA.
Ryał płanujecca pierajmienavać u tuman — tak nazyvałasia hrašovaja adzinka Piersii z XVII stahodździa da 1932 hoda. Paśla hrašovaj reformy, kali tuman abmianiali na ryał u suadnosinach 1:10, mnohija irancy praciahnuli vykarystoŭvać słova «tuman», adkidajučy pry hetym u canie tavaru adzin nul.
Pry viartańni staroj nazvy prapanujecca pravieści zvarotnuju reformu, denaminavaŭšy nacyjanalnuju valutu na paradak. Aficyjny kurs na 7 śniežnia składaŭ prykładna 33 tysiačy ryałaŭ za adzin amierykanski dalar (na čornym rynku nie mienš za 39 tysiač ryałaŭ).
Pierš čym inicyjatyva ab pierajmienavańni ryała pastupić na zaćviardžeńnie Rady vartavych kanstytucyi (vykonvaje funkcyi Kanstytucyjnaha suda), jaje pavinien uchvalić iranski parłamient.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary