AAT «ASB Biełarusbank» pačało vydaču u hetym hodzie kredytaŭ na budaŭnictva žyłych pamiaškańniaŭ ź dziaržaŭnaj padtrymkaj, paviedamlajecca 7 śniežnia na sajcie banka.
Kredyty vydzialajucca hramadzianam, jakija stajać na ŭliku dla palapšeńnia žyllovych umoŭ, na budaŭnictva žyłych pamiaškańniaŭ terminam karystańnia da 15 hadoŭ. Pracentnaja staŭka pa kredycie ŭ adpaviednaści ź dziejnymi ŭmovami — 12% hadavych (pracentnaja staŭka, ustanoŭlenaja bankam dla kredytaŭ na nieruchomaść, pamienšanaja na 50% staŭki refinansavańnia Nacbanka).
Abjom vydačy kredytaŭ abmiežavany limitam dyrektyŭnaha kredytavańnia na žyllovaje budaŭnictva, praduhledžanaha pastanovaj Savieta ministraŭ ad 8 lutaha 2016 hoda № 103.
Jak zajaviŭ 30 listapada namieśnik premjer-ministra Anatol Kalinin, najaŭnyja ŭmovy dazvalajuć prahnazavać źnižeńnie koštu kvadratnaha mietra žylla, jakoje ŭzvodzicca ź dziaržaŭnaj padtrymkaj, da 280 dołaraŭ u ekvivalencie.
Vice-premjer udakładniŭ, što ŭsiaho ŭ krainie ŭ śpisach tych, chto maje patrebu ŭ palapšeńni žyllovych umoŭ, znachodziacca bolš za 700 tysiač čałaviek, u tym liku 200 tysiač u Minsku.
Pavodle dadzienych Nacyjanalnaha statystyčnaha kamiteta, u Biełarusi ŭ studzieni—kastryčniku 2016 hoda ŭviedziena ŭ ekspłuatacyju 3 młn 517,6 tys. kv. m žylla, što na 18,2% mienš u paraŭnańni z anałahičnym letašnim pieryjadam. Dla hramadzian, jakija stajać na ŭliku dla palapšeńnia žyllovych umoŭ, uviedziena ŭ ekspłuatacyju 1 młn 240,5 tys. kv. m ahulnaj płoščy, abo 35,3% usiaho abjomu ŭviedzienaha žylla. Z ahulnaha abjomu ŭviedzienaha žylla dla hramadzian, jakija stajać na ŭliku dla palapšeńnia žyllovych umoŭ, pabudavana z vykarystańniem dziaržaŭnaj padtrymki 826,8 tys. kv. m (na 40,8% mienš).
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary