Aryštavanym aŭtaram rasijskich impierskich sajtaŭ Juryju Paŭłaŭcu i Dźmitryju Alimkinu pahražaje ad 5 da 12 hadoŭ źniavoleńnia za raspalvańnie mižnacyjanalnaj varažości. Pra heta paviedamili ŭ efiry telekanała ANT.
Ich dziejańni śledstva traktuje jak ździejśnienyja hrupaj asobaŭ, a heta značna pavialičvaje pakarańnie. «U suviazi z tym, što Paŭłaviec i Alimkin dziejničali hrupaj asobaŭ pa adzinaj zadumie ŭ ciapierašni čas śledstvam razhladajecca pytańnie ab złučeńni hetych kryminalnych spraŭ u adnu vytvorčaść», — zajaviŭ Siarhiej Kabakovič, načalnik adździeła infarmacyi i suviazi z hramadskaściu Śledčaha kamiteta.
Uvohule za «naŭmysnyja dziejańni, nakiravanyja na ŭzbudžeńnie rasavaj, nacyjanalnaj, relihijnaj varožaści abo roźni, na prynižeńnie nacyjanalnaha honaru i hodnaści» (č. 1 art. 130 Kryminalnaha kodeksa) možna abyścisia štrafam ci abmiežavańniem svabody. Maksimalnaje pakarańnie pa hetym artykule — 5 hadoŭ źniavoleńnia.
Adnak kali vyšejpieraličanyja dziejańni ździajśnialisia hrupaj asobaŭ (č. 3 art. 130 Kryminalnaha kodeksa), minimalnaje pakarańnie składaje 5 hadoŭ, a samaje žorstki varyjant ŭ takim razie — 12 hadoŭ źniavoleńnia.
Ciapier čytajuć
Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj18
Kamientary