Facebook raspavioŭ, jakija temy najčaściej abmiarkoŭvalisia ŭ sacsietcy ŭ 2016 hodzie
Stała viadoma, jakija temy byli samymi papularnymi ŭ Facebook u 2016 hodzie.
Jak možna zdahadacca, bolš za ŭsio ŭ sacsietcy abmiarkoŭvali prezidenckija vybary ŭ Amierycy. Na druhim radku pa častacie abmierkavańniaŭ i zhadak — brazilskaja palityka, na treciaj — hulnia Pokemon Go.
Dalej iduć ruch Black Lives Matter i filipinskija prezidenckija vybary adpaviedna. U apošnim vypadku karystalnikaŭ Facebook cikaviła asoba ciapierašniaha prezidenta Filipin Radryha Duterte.
U dziasiatku samych papularnych tem taksama patrapili Alimpijskija hulni, refierendum ab vychadzie Vialikabrytanii sa składu ES, Supierboŭł (finalnaja hulnia za zvańnie čempijona Nacyjanalnaj futbolnaj lihi ŭ ZŠA).
Nie zastalisia biez uvahi karystalnikaŭ sietki taksama muzyka Devid Boŭi i baksior Machamied Ali, jakija pamierli ŭ hetym hodzie.
Akramia taho, stała viadoma, što ŭ dadzieny momant supracoŭniki Facebook testujuć novuju funkcyju, pryznačanuju dla vielmi kamunikabielnych karystalnikaŭ.
Sutnaść jaje ŭ tym, što ŭ viersii Facebook dla OC Windows aŭtamatyčna adkryvajecca novaje akno, kali niechta kamientuje paviedamleńnie karystalnika abo zhadvaje jaho ŭ svajoj publikacyi. Pa słovach kiraŭnictva sacsietki, rašeńnie raspracavać novuju funkcyju było pryniata ŭ suviazi z tym, što mnohija karystalniki skardzilisia na niemahčymaść adnačasova čytać stužku i aktyŭna ŭdzielničać u abmierkavańniach.
Ciapier čytajuć
Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku15
Kamientary