Niekatorych deputataŭ Pałaty aburyła vykazvańnie Hanny Kanapackaj pra «bałota», jana słovaŭ nie vyrakajecca
20 śniežnia budzie sto dzion ad momantu abrańnia pradstaŭnicy AHP Hanny Kanapackaj u parłamient. Z hetaj nahody jana padviała vyniki svajoj pracy za zhadany pieryjad.
Deputatka adznačyła, što pryjarytetnymi nakirunkami ŭ jaje pracy źjaŭlajucca pakiet ekanamičnych reformaŭ, a taksama źmieny vybarčaha zakanadaŭstva. «Adnosna vybarčaha zakanadaŭstva majem try kankretnyja prapanovy. 1. Skaračeńnie terminu daterminovaha hałasavańnia. 2. Va ŭčastkovych vybarčych kamisijach pavinny prysutničać pradstaŭniki kandydataŭ. 3. Adkryty padlik hałasoŭ», — havoryć Hanna Kanapackaja.
Što adnosna ekanamičnych prapanovaŭ, to ŭžo raspracavanaja prapanova, kab prybrać z Kryminalnaha kodeksa artykuł «Iłžepradprymalnictva». «Prapanova ŭžo znachodzicca ŭ profilnaj kamisii Pałaty pradstaŭnikoŭ».
Za hety čas Kanapackaja ŭžo praviała čatyry sustrečy z vybarcami. Try prajšli ŭ Minsku, a jašče adna ŭ pasiołku Sokał. Ciapier jana maje na mecie stvaryć hetak zvanuju hramadskuju pryjomnuju, u jakuju mahli b źviartacca nie tolki jaje vybarcy, ale i ludzi z usioj krainy.
«Niekatoryja kalehi pa Pałacie pradstaŭnikoŭ vystupili z rezkaj krytykaj maich vykazvańniaŭ adnosna pracy parłamienta». Hanna Kanapackaja padčas pajezdki ŭ Mahiloŭ paraŭnała pracu parłamienta z «bałotam».
«Heta byli rezkija, nie samyja pryhožyja słovy, ale ja ŭ toj dzień pačuła stolki niehatyvu adnosna pracy parłamienta ad prostych ludziej. Ja nie chacieła abrazić svaich kaleh asabista, siarod jakich šmat prafiesijanałaŭ, ludziej, jakija realizavalisia ŭ žyćci».
«Apraŭdvacca Kanapackaja nie musić», — upeŭnieny lidar AHP Anatol Labiedźka.
Z hetaj nahody na partyjnym sajcie AHP źjaviłasia palityčnaja płatforma Hanny Kanapackaj.
«Biezumoŭna, u parłamiencie jość i tyja, chto mianie padtrymlivaje. Adzin kaleha skazaŭ, navošta takoje vykazvańnie pra bałota, nam ža jašče hać praź jaho prakładvać».
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary