Некаторых дэпутатаў Палаты абурыла выказванне Ганны Канапацкай пра «балота», яна словаў не выракаецца
20 снежня будзе сто дзён ад моманту абрання прадстаўніцы АГП Ганны Канапацкай у парламент. З гэтай нагоды яна падвяла вынікі сваёй працы за згаданы перыяд.
Дэпутатка адзначыла, што прыярытэтнымі накірункамі ў яе працы з’яўляюцца пакет эканамічных рэформаў, а таксама змены выбарчага заканадаўства. «Адносна выбарчага заканадаўства маем тры канкрэтныя прапановы. 1. Скарачэнне тэрміну датэрміновага галасавання. 2. Ва ўчастковых выбарчых камісіях павінны прысутнічаць прадстаўнікі кандыдатаў. 3. Адкрыты падлік галасоў», — гаворыць Ганна Канапацкая.
Што адносна эканамічных прапановаў, то ўжо распрацаваная прапанова, каб прыбраць з Крымінальнага кодэкса артыкул «Ілжэпрадпрымальніцтва». «Прапанова ўжо знаходзіцца ў профільнай камісіі Палаты прадстаўнікоў».
За гэты час Канапацкая ўжо правяла чатыры сустрэчы з выбарцамі. Тры прайшлі ў Мінску, а яшчэ адна ў пасёлку Сокал. Цяпер яна мае на мэце стварыць гэтак званую грамадскую прыёмную, у якую маглі б звяртацца не толькі яе выбарцы, але і людзі з усёй краіны.
«Некаторыя калегі па Палаце прадстаўнікоў выступілі з рэзкай крытыкай маіх выказванняў адносна працы парламента». Ганна Канапацкая падчас паездкі ў Магілёў параўнала працу парламента з «балотам».
«Гэта былі рэзкія, не самыя прыгожыя словы, але я ў той дзень пачула столькі негатыву адносна працы парламента ад простых людзей. Я не хацела абразіць сваіх калег асабіста, сярод якіх шмат прафесіяналаў, людзей, якія рэалізаваліся ў жыцці».
«Апраўдвацца Канапацкая не мусіць», — упэўнены лідар АГП Анатоль Лябедзька.
З гэтай нагоды на партыйным сайце АГП з’явілася палітычная платформа Ганны Канапацкай.
«Безумоўна, у парламенце ёсць і тыя, хто мяне падтрымлівае. Адзін калега сказаў, навошта такое выказванне пра балота, нам жа яшчэ гаць праз яго пракладваць».
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары