Na zachadzie Mieksiki na Rastvo byŭ zafiksavany ŭsplosk hvałtu. U adnym z zachodnich štataŭ krainy palicyja znajšła šeść adrezanych hałoŭ, a ŭ susiednim rehijonie ŭ toj ža dzień byli zabityja siem čałaviek.
Adrezanyja hałovy znajšli ŭ horadzie Chikilpan-de-Chuares u štacie Mičaakan, paviedamlaje miascovaja prakuratura. U apošni čas u hetym štacie praciahvajucca žorstkija sutyknieńni pamiž varahujučymi narkakartelami. Ni apaznać zabitych, ni znajści ich cieły pakul nie ŭdałosia.
Adnačasova pravaachoŭnyja orhany susiedniaha štata Hierera paviedamili pra zabojstva nieviadomymi dźviuch siemjaŭ u horadzie Atojak-de-Alvares. Pa ich dadzienych, złačyncy ŭvarvalisia dom i zastrelili siamiejnuju paru i jašče adnu siamju ź piaci čałaviek.
Ź siami zabitych troje byli palicejskimi. Pa papiarednich dadzienych, napadniki płanavali zabić adnaho ź ich u adpłatu za jaho baraćbu sa złačyncami, ale ŭ vyniku zastrelili ŭsich, chto byŭ u domie ŭ momant napadu.
Što zapisana aficyjnaj pryčynaj śmierci adzinaha syna Jarmošynaj?9
Kamientary