Pres-sakratar prezidenta Rasii Dźmitryj Piaskoŭ na pytańnie pra toje, jak u Kramli aceńvajuć inicyjatyvu abranaha prezidenta ZŠA Donalda Trampa pa jadziernym razzbrajeńni, zaklikaŭ «nabracca ciarpieńnia».
«Davajcie nabiaremsia ciarpieńnia, dačakajemsia momantu ŭstupleńnia spadara Trampa na pasadu dziejnaha prezidenta, a potym užo budziem davać acenki tych ci inšych inicyjatyvaŭ», — skazaŭ Piaskoŭ.
Nahadajem, što Tramp u intervju haziecie The Times skazaŭ, što pahodzicca na admienu niekatorych sankcyj, jakija ZŠA ŭviali ŭ dačynieńni da Rasiei, kali jamu ŭdasca damovicca z Maskvoj ab značnym skaračeńni jadziernych uzbrajeńniaŭ.
Inaŭhuracyja Trampa adbudziecca 20 studzienia.
U śniežni 2016 hoda Tramp adznačyŭ, što amierykanski ŭrad maje «značna ŭzmacniać i pavialičvać svoj jadzierny patencyjał» da taho času, pakul zamiežnyja krainy nie pierahledziać svajo staŭleńnie da hetaha vidu zbroi.
Akramia taho, Tramp u intervju MSNBC byŭ zajaviŭ, što ZŠA mahli b vykarystoŭvać jadziernuju zbroju suprać terarystaŭ z «Isłamskaj dziaržavy».
Ciapier čytajuć
Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj18
Kamientary