Pornhub apublikavaŭ statystyku za 2016 hod: jakoje porna hladzieli biełarusy?
Adzin z samych papularnych u śviecie pornasajtaŭ Pornhub zrabiŭ vialiki ahlad i apublikavaŭ statystyku naviedvańniaŭ za 2016 hod, u jakoj možna znajści infarmacyju pa kolkaści prahladaŭ porna, a taksama katehoryi, jakim karystalniki z toj ci inšaj krainy addavali pieravahu.
Samuju padrabiaznuju statystyku možna znajści tolki pa vialikich krainach, a pa siarednich krainach (jak Biełaruś) ličbaŭ nie tak šmat, chacia niekatoryja cikavyja fakty pra hledačoŭ porna ŭ Biełarusi ŭsio ž možna znajści.
Biełarusy robiać heta chutka
Biełaruś tradycyjna trapiła ŭ śpis krain z samym karotkim časam prahladu porna-videa. Siaredniaja praciahłaść vizitu biełarusa na sajcie — 7 chvilin 13 siekund. Cikava, što heta z roźnicaj dźvie siekundy supadaje z karystańniem ukraincaŭ. Dla paraŭnańnia, francuz pravodziŭ na sajcie 9 chvilin 17 siekund, a filipiniec — 12 chvilin 45 siekund. Nu a samymi chutkimi karystalnikami byli kubincy — im było dastatkova ŭsiaho 4 chvilin 57 siekund.
Što biełarusam padabajecca
Anal — samaja papularnaja katehoryja ŭ zapytach biełarusaŭ, i tut my nie adzinyja. Videa hetaj katehoryi taksama daspadoby karystalnikam Pornhub z Rasii, Ukrainy, Francyi, Hiermanii, Ispanii. Palakam padabajecca hladzieć na dziaŭčat, starejšych za 18 hadoŭ (katehoryja Teen +18), a voś žychary krain Bałtyi addajuć pieravahu videa ź leśbijankami.
Nie tolki biełarusy, ale i biełaruski!
Chto skazaŭ, što porna hladziać tolki mužčyny? Zhodna z dadzienymi Pornhub, kala traciny biełaruskich naviedvalnikaŭ hetaha sajta — žančyny. I heta davoli vysoki pakazčyk, vyšejšy za siaredni ŭ śviecie (26%) i adzin z samych vysokich u Jeŭropie. Z usich susiedziaŭ Biełarusi bolšaja dola žančyn siarod naviedvalnikaŭ tolki ŭ Łatvii.
Zamiest kampjutaraŭ — smartfony
Zhodna z dadzienymi Pornhub, biełarusy stali bolš pierachodzić na sajt sa smartfonaŭ i mienš z kampjutaraŭ. Dola mabilnaha trafika za 2016 hod pavialičyłasia ažno na 75%. A biezumoŭnym lidaram u roście doli mabilnaha trafika źjaŭlajecca Kuba: rost na 310%. Paśla libieralizacyi rynku telekamunikacyj i źjaŭleńnia volnaha dostupu da internetu, žychary Vostrava Svabody stali aktyŭnymi karystalnikami mabilnaha internetu.
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary