Prezident ZŠA Donald Tramp nakiravaŭ list svajmu kitajskamu kalehu Si Czińpinu. Heta stała pieršym kantaktam pamiž lidarami Amieryki i Kitaja, paviedamlaje Bi-bi-si.
Tramp padziakavaŭ Si Czińpinu za jaho vinšavalny list z nahody inaŭhuracyi i vykazaŭ nadzieju na «kanstruktyŭnyja adnosiny» pamiž krainami.
Tramp jašče nie razmaŭlaŭ pa telefonie ź Si Czińpinam, ale ŭžo telefanavaŭ inšym suśvietnym lidaram.
Pradstaŭnik ministra zamiežnych spraŭ Kitaja Łu Kanh skazaŭ, što jaho kraina nadaje hetamu listu vialikuju značnaść, paviedamlaje ahienctva Rejter. Jon vykazaŭ pavahu Trampu za toje, što toj pažadaŭ narodu KNR praćvitańnia ŭ novym hodzie pa ŭschodnim kalendary, dadaŭšy, što supracoŭnictva pamiž dźviuma krainami — adziny varyjant raźvićcia adnosin.
Hety list, jaki źmiaščaje ŭsie standartnyja dypłamatyčnyja pryjomy, paśledavaŭ za patokam varožych dziejańniaŭ amierykanskaha boku, nakiravanych suprać kitajskaha handlu i palityki.
U apošnija miesiacy Tramp zrabiŭ niekalki nieadnaznačnych vypadaŭ u dačynieńni da takich balučych dla Piekina pytańniaŭ, jak status Tajvania i Paŭdniova-Kitajskaha mora. Jon taksama vyklikaŭ abureńnie kitajskaha boku tym, što parazmaŭlaŭ pa telefonie ź lidaram Tajvania Caj Inveń, što stała pieršaj takoj razmovaj pamiž lidarami Tajvania i ZŠA za niekalki dziesiacihodździaŭ.
ZŠA razarvali farmalnyja suviazi z Tajvaniem u 1979 hodzie.
«Prezident Donald Tramp zajaviŭ, što spadziajecca na raźvićcio kanstruktyŭnych adnosin z prezidentam Si Czińpinam, jakija pryniasuć karyść Kitaju i ZŠA», — havorycca ŭ liście, apublikavanym pradstaŭnikami Biełaha doma.
Akramia taho, Tramp pažadaŭ kitajskamu narodu «ščaślivaha Śviata lichtaroŭ i roskvitu ŭ hod Pieŭnia».
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary