Jak źmianilisia biełaruskija ŭdzielniki dziciačaha «Jeŭrabačańnia» FOTY
Hladzim, jak vyhladali biełarusy, što vystupali na dziciačym «Jeŭrabačańni», tady i ciapier, i raspaviadajem, čym jany zajmajucca.
Volha Saciuk (2003)
U 2003 hodzie, kali ŭpieršyniu pravodzili dziciačaje «Jeŭrabačańnie», našu krainu pradstaŭlała 10-hadovaja Volha Saciuk ź biełaruskamoŭnaj pieśniaj «Tancuj». «Tancuj u načy, a ja pasprabuju tabie dapamahčy», — śpiavała tady dziaŭčynka:
Ciapier ža šmat chłopcaŭ chacieli b patančyć z Volhaj:
Śpiavačka nie zakinuła muzyčnuju karjeru, jaje možna lohka znajści na roznych iventach, u kłubach i barach. Volha maje dypłom estradnaha vakalista i vykładčyka i pracuje pa śpiecyjalnaści ŭ adnoj z muzyčnych škoł. U minułym miesiacy Volha prezientavała novuju pieśniu:
Ksienija Sitnik (2005)
Ksienija svaim «O-ao» skaryła i žury, i ŭsich, chto byŭ la ekranaŭ televizaraŭ. Jaje pieśnia «My razam» atrymała pieršaje miesca na konkursie:
Ciapier ža dziaŭčyna skaraje sercy prychilnikaŭ svaim ekstravahantnym vobrazam i hłybokaj fiłasofijaj:
Ksienija vučycca ŭ Anhła-amierykanskim univiersitecie ŭ Prazie. Dziaŭčyna redka pryjazdžaje ŭ Biełaruś i płanuje praciahvać adukacyju ŭ stalicy Čechii.
U muzyčnaj karjery Ksienija pakul zrabiła paŭzu. Ciapier jana znajšła inšaje chobi — piša prozu i vieršy. Niekatoryja my publikavali letaś.
Andrej Kuniec (2006)
Chłopčyk z Mazyra ź pieśniaj «Novy dzień» atrymaŭ srebra, napeŭna, dziakujučy svajmu pazityvu i cikavamu vobrazu. Sami pahladzicie:
A ciapier zirnicie, jak hety rudy kučaravy chłopčyk pastaleŭ:
U 2010 hodzie vyjšaŭ debiutny albom «Novy dzień», jaki staŭ praciaham karjery junaha śpievaka. Taksama viadoma, što ŭ 2014 hodzie Andrej udzielničaŭ u televizijnym šou «Akademija talentaŭ». Adnak užo try hady jak ad srebranaha pryziora dziciačaha «Jeŭrabačańnia» ničoha nie čuvać. Vidać, paŭza źviazana z navučańniem u BDUKM.
Alaksiej Žyhałkovič (2007)
Praz dva hady paśla pieramohi Sitnik Biełaruś znoŭ zaniała pieršaje miesca! Alaksiej vykanaŭ pieśniu «Ź siabrami» z davoli prafiesijnaj padtancoŭkaj. Chłopčyk zajmaŭsia vakałam ź piaci hadoŭ, a pieśniu dla «Jeŭrabačańnia» napisaŭ sam. Vy, napeŭna, pamiatajecie jaho jaskravy vobraz:
Voś tak Alaksiej vyhladaje ciapier:
Ciapier chłopiec vučycca ŭ Akademii mastactvaŭ na śpiecyjalnaści «režysura telebačańnia», tamu my jašče možam pabačyć jaho imia ŭ śpisie vybitnych režysioraŭ. Darečy, Alaksiej užo źniaŭ karotkamietražny film i niekalki klipaŭ.
Alina Mołaš (2008)
Alina Mołaš razam z Darjaj Nadzinaj i Karynaj Žukovič vystupili na dziciačym «Jeŭrabačańni» ŭ 2008 hodzie ź pieśniaj «Serca Biełarusi». Na žal, ich patryjatyčnaja pieśnia zaniała tolki šostaje miesca ŭ finale konkursu. Sami acanicie, ci spraviadlivaje rašeńnie:
Alina potym druhi raz uziała ŭdzieł u dziciačym «Jeŭrabačańni», ale ŭžo ŭ jakaści viadoŭcy. Dziaŭčyna vielmi źmianiłasia z tych časoŭ:
U 2012 hodzie Alina pastupiła ŭ Kaledž mastactvaŭ na śpiecyjalnaść «Mastactva estrady». Ciapier śpiavačka praciahvaje muzyčnuju karjeru, a taksama zajmajecca arhanizacyjaj vystupaŭ na roznych mierapryjemstvach.
Juryj Dziemidovič (2009)
Jak nie ŭzhadać našaha «Čaroŭnaha trusika»! Jaho nie viedaje tolki toj, chto nikoli nie sačyŭ za «Jeŭrabačańniem»:
Z taho času «trusik» nierealna padros:
U 2010 hodzie Jura vypuściŭ albom «Chto b vy dumali?», kudy ŭvajšoŭ i jaho chit. Praŭda, sam śpiavak zajaŭlaje, što bolš nikoli nie budzie vykonvać hetuju pieśniu. Ciapier Jura žyvie ŭ Maskvie, bo vučycca ŭ Maskoŭskaj kansiervatoryi. Vyhladaje, my jašče pačujem jaho novyja chity.
Daniła Kazłoŭ (2010)
U 2010 hodzie Minsk pryniaŭ estafietu praviadzieńnia dziciačaha konkursu. Tady Biełaruś pradstaviŭ Daniła Kazłoŭ ź pieśniaj «Muzyki śviatło». Na žal, naš śpiavak atrymaŭ tolki 5-je miesca, choć pieśnia była davoli mocnaja:
Daniła pierajechaŭ z Žabinki (Bresckaja vobłaść) u Brest i praciahvaje zajmacca muzykaj.
Daniła pastupova raźvivaje svoj YouTube kanał i stanovicca błohieram.
Kamientary