Biełaruskija ŭłady nia majuć namieru «čynić nijakich pieraškodaŭ u halinie internetu». Pra heta ŭ interviju BiełaPAN zajaviŭ pamočnik prezydenta Biełarusi — načalnik hałoŭnaha idealahičnaha upraŭleńnia Administracyi prezydenta.
Pra heta ŭ interviju BiełaPAN zajaviŭ pamočnik prezydenta Biełarusi — načalnik hałoŭnaha idealahičnaha upraŭleńnia Administracyi prezydenta Usievaład Jančeŭski. Naadvarot, pavodle jahonych słovaŭ, ułada zacikaŭlena ŭ «samym intensiŭnym raźvićci internet‑technalohij».
«Ni pra jakuju baraćbu ź inšadumstvam, z krytyčnymi zaŭvahami, sa svabodnym vykazvańniem dumak u internecie havorki niama», — skazaŭ U. Jančeŭski.
Pavodle jaho śćvierdžańnia, «ułada zaŭsiody zychodziła z taho, što ludzi pavinny mieć dostup da samaj roznaj infarmacyi». «Naturalna, aproč zaviedamaj chłuśni i paklopu».
U Biełarusi niama nieabchodnaści «specyjalnym techničnym čynam blakavać rabotu niekatorych infaomacyjnych sajtaŭ, ‑‑ ličyć Jančeŭski.
«Kali niechta ŭ hazecie, internecie ci na płoščy pierad šmattysiačnym natoŭpam chłusić, paklopničaje i źnievažaje, jon pavinien nieści adkaznaść zhodna z artykułami Kryminalnaha kodeksu. Navošta prymianiać da internetu niejkija specyjalnyja patrabavańni? — skazaŭ jon. — Va ŭłady bolš čym dastatkova arhumentaŭ, kab spračacca ź jakimi zaŭhodna apanentami. Nijakich zaściaroh nakont internetu ŭ biełaruskaha kiraŭnictva nie ŭźnikała i nia moža ŭźniknuć».
Na dumku Jančeŭskaha, «usie razmovy i čutki nakont niejkich abmiežavańniaŭ u internecie sychodziać «ad tych ludziej, jakija žadajuć choć lišni raz kinuć cień na našu krainu».
«Nijakich specyjalnych planaŭ nakont rehulavańnia internetu niama. — Heta vielmi dalikatnaja tema, dzie nieabchodna ŭsio spakojna i metadyčna vyvučyć».
Pavodle jaho pierakanańnia, dla abmierkavańnia pytańniaŭ, źviazanych ź internetam, treba pryciahvać «stvaralnikaŭ internet‑resursaŭ, najbolš viadomych błohieraŭ, zaniatych u heta sfery pradprymalnikaŭ, a taksama ŚMI.
U. Jančeŭski nazvaŭ niapravilnymi śćvierdžańni, što va ŭsim śviecie «internet nijak nie rehulujecca».
«Idzie baraćba z sajtami terarystyčnych arhanizacyj, z raspaŭsiudam dziciačaj parnahrafii. I nivodny narmalny razumny čałaviek nia budzie suprać heta piarečyć», ‑‑ miarkuje pamočnik prezydenta.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary