Žychar Rečycy na Ford Focus kataŭ dvaich niepaŭnahadovych pa ich prośbie na kamiery ad koła hruzavoha aŭto, pryviazanaj da mašyny z dapamohaj buksirovačnaha trosa. U vyniku niaŭdałaha manieŭru adzin z padletkaŭ zahinuŭ, druhi — u reanimacyi.
Jak piša partał Dneprovec.by, na zakruhleńni darohi kamieru zaniesła, padletki z usiaje mocy stuknulisia ab dreva.
Žychar Rečycy 1999 hoda naradžeńnia ad atrymanych traŭmaŭ pamior na miescy. Druhi ŭdzielnik śmiarotnaha zajezdu — małady čałaviek 2000 hoda naradžeńnia, taksama žychar Rečycy — u ciažkim stanie byŭ dastaŭleny ŭ reanimacyjnaje adździaleńnie Rečyckaj CRB.
Rečyckim rajonnym adździełam cledčaha kamiteta zaviedzienaja kryminalnaja sprava pa č. 2. art. 317 KK Biełarusi, sankcyja jakoj praduhledžvaje pakarańnie ŭ vyhladzie pazbaŭleńnia voli terminam da 5 hadoŭ.
Kamientary