Жыхар Рэчыцы на Ford Focus катаў дваіх непаўнагадовых па іх просьбе на камеры ад кола грузавога аўто, прывязанай да машыны з дапамогай буксіровачнага троса. У выніку няўдалага манеўру адзін з падлеткаў загінуў, другі — у рэанімацыі.
Як піша партал Dneprovec.by, на закругленні дарогі камеру занесла, падлеткі з усяе моцы стукнуліся аб дрэва.
Жыхар Рэчыцы 1999 года нараджэння ад атрыманых траўмаў памёр на месцы. Другі ўдзельнік смяротнага заезду — малады чалавек 2000 года нараджэння, таксама жыхар Рэчыцы — у цяжкім стане быў дастаўлены ў рэанімацыйнае аддзяленне Рэчыцкай ЦРБ.
Рэчыцкім раённым аддзелам cледчага камітэта заведзеная крымінальная справа па ч. 2. арт. 317 КК Беларусі, санкцыя якой прадугледжвае пакаранне ў выглядзе пазбаўлення волі тэрмінам да 5 гадоў.
«Фемінізм у маім выпадку перамог». Вераніка Станкевіч — пра дапамогу палітвязням у «Вольных» і планы на вяселле з Івуліным24
Каментары